صبحنه بلا قرار وراي

على ظهر المطي الاسفار ، يظن بيهن صبح اجمل

تهوسله بفخر هلناس ، عليه لمه وطبل طبّل

ابد من عنده ما مقهور ، قهرني ذاكه من يسأل

مطي لمن يسأله حمار ، يجاوب عل ربط والحل

ابشرك صرنه مجبورين ، نماشي واليگود اهبل

صبحنه بلا قرار وراي ، مثل مگيود ما يندل

عكس صارت جهل مريود ، واذا تحچي العدل تنذل

اذا فوگ الورد ذبان ، اكيد يغادر المنحل

علينه التمت الشينات ، فكر صاحي بعد ما ضل

زرع بي بس دغل وشواك ، وارض تتنخه بل منجل

گبل چنه نحامي الگاع ، لجل خطوه زلم تُقتل

فكرنه بنص نهار انداس ، فكر مديوس شتحمل

اذا يظهر امام الغاب ، اظن مو سيف بل معول

لأن عدنه اصبحت اصنام ، حولها الناس تتوسل

واذا رايد يعدل الحال ، ابد مو صعبه تتعدل

يزيل من الارض هل ناس ، نعم تصفه وتصير اجمل


ابو قاسم الملا