كلها تخاف!!!

ماضلت ثقه,, والناس كلها #اتخاف
والخوف الكبل ما واحد ايشوفه ,,
صفه ينشاف!
الناس اشترت كومه اوجوه @@@ حتى اتضيع الأوصاف!
كلها اتخاف!!
الدنيا اتحولت غابه ,, ولا بيها ورد لا شتلتة الصفصاف!!
مليانه ذيابه
اترقب ابهلناس!
واليغفل يصير امكطع الاطراف!
اليحبك ينصحك
جَلب ولتطيح,,
والطايح..ترى ينعاف,
ما ضلت اجتاف اتشيل اليطيحون,,
المجهول اشترى ابهل دنيا كل اجتاف!
المطره اتلوح كل الناس,,
هيج الظلم عنده انصاف!!
ولا واحد سلم منه! ابكيفه ايصنف الاصناف!
الديوان الكبل جان ايتلكه الضيف ,,, هسه ايخاف لا ينضاف!
كبل بالركضه نوصل ننقذ المجروح ,,
وهسه اسعافنه محتاجه للاسعاف!!
كلها اتخاف!
ابسلفنه اشيوخ كومه...... اتعدها بالالاف!
وكل يوم السلف ينحاف!!!
المدينه الوكحه كام اتوكح الأرياف!
والحايط بقه ماله ثقه بالساف!
كلها اتخاف!
اذا رايد تعيش ابخير,,
كون
اتشوف ما تنشاف!
وكون
السانك اتكصه!
,,لا ينسه ويطلع الصوت,
والصوتك يجي الخطاف!
وخوفك من البكل سنه المكه ايرواح!.... دكاته جثيره ابكثر ما طواف@
لبسو دين الله وفصلوه تفصال__ بالغيبه# ودجل# والذم #والاستخفاف!
ولتثق بالحلفلك لو يطب قرأن,,
القرأيين اشكثر مهجوره بالاوقاف!
القرأيين اشكثر مهجوره بالاوقاف!!
حسين االساعدي