يالسهم حبك وسط گلبي نفذ

يالسهم حبك وسط گلبي نفذ
والگلب صاير الك مني انوخذ
شوفتك من الشهد احله والذ
سر جمالك يبقه من اسرارها

يل غرامك واجب وخير العمل
بس صفاتك يحله وياها الغزل
بسمة شفافك ترد بيه الامل
وجهك الخاطف صبح انظارها

يوسف بحسنه طلع ودوهنن
مادرت نسوة مصر ذاك الزمن
يوسف يگطع اديه لبن الحسن
حجة الله ومعدن لأنوارها

يابو صالح ياملاذي والكهف
ما يسد عنك بشر مهما انوصف
يمته يم جدك نشوفك بالنجف
وتجتمع من كل كتر ثوارها

قصة فراگك جرح جيتك الدوه
ما تشوف العين لو مامش ضوه
والنفس ضاگ وتضل انته الهوه
يمته تظهر يا شبل كرارها

طالت الغيبه وگصر عمر الفرص
واصبح الصياد مصيود بقفص
يوگع بأشواك لو مهما حرص
وانته ميزان العدل لخيارها

بالظلم يامهدي ممليه الارض
وانملت ياسيدي طول وعرض
يمته من الجور تنفضها نفض
بالظلم ممليه كل اكتارها

ابو قاسم الملا