عباس يعيوني

الحاج باسم الكربلائي
عباس يعيوني .. ترضى يذلوني .. للشام يهدوني

عـندك يا بو فاضل يا خـوي أشتكي حالي
حـرمـة بـلا والـي .. والـشـمر يبرالي
ولـيـحـدي لي الناقة زجر .. عباس يعيوني
تـرضـى يـذلـونـي .. ولـلشام يهدوني

أنـت لـجـبـتـنه من الوطن وتكفلت بينه
بـأيـدك تـبـاريـنـه .. وهـسا تخلينه
مـا بـيـن عـدوان وكفر .. عباس يعيوني
تـرضـى يـذلـونـي .. ولـلشام يهدوني

جـابـوا يـا عـبـاس الهزل ونووا يركبونه
وعـنـك يـمـشـونـه .. وليزيد يهدونه
ويـسـبـونا من كتر الكتر .. عباس يعيوني
تـرضـى يـذلـونـي .. ولـلشام يهدوني

خـوي الـفـواطـم بالدرب منهو ليباريها
عـقـبـك يـوالـيـهـا .. يا ويلي عليها
وتـروح تـالـيـهـا بيسر .. عباس يعيوني
تـرضـى يـذلـونـي .. ولـلشام يهدوني

تـرضـى الفواطم يا نفل ترفج غرب وتروح
وعـلـى النياق تنوح .. وإنت تظل مطروح
عـلـى الرمح راسك كالبدر .. عباس يعيوني
تـرضـى يـذلـونـي .. ولـلشام يهدوني

لـلـشـام لو طب الظعن والناس إجت لينه
تـتـفـرج عـلـيـنـا .. وإحنه يا والينه
جـاتـيف ما بين أهل الغدر .. عباس يعيوني
تـرضـى يـذلـونـي .. ولـلشام يهدوني

ردنـه لـلـمـجلس من نطب ويزيد عاينه
وتـشـمـت بـذلـنـه .. عنك يسايلنه
يـا بـو الفضل شنهو العذر .. عباس يعيوني
تـرضـى يـذلـونـي .. ولـلشام يهدوني