ورد صبير

أعرفنك  ورد  صبير
لااا تنكض  ولا  تنشم
وأعرفنك  ندى العاكول
وبهندس  رمل  تلتم
شجاني وكَلبي يهوى عيون
يهون  وين  ما  تحلم
شجاني وروحي خفت حيل
وانا  ادري  اليخف ينذم
عفت وجهي بمري عيونك
لكَيته  مترب  ملثم
عفت طولي ولكَيته وياك
حزين  مبعثر  مهدم
شفت ضلي اعله وجه الكَاع
جسته  مفطر  مثلم
باولها  البجي  بنهرين
وعلى جتافي بكَايه الدم
واخرها الحنين يفيض
للما  يسوه  اشيلن  هم
ولا  جني  الجنت  ذاكه
التشوفه الغربه تتلعثم
ولا جني الجنت ملموم
بحضن شجره وبعد شنلم
شرب لوني اعله غفله الريح
لحد ما ان صرت معدم
أنَهْ أدري بَك تفيض بليل
لوادم  بيه  شبعو  ذم
من  عدها  وعرفت الماي
حبل يخنكَ توالي الشم
عرفتك وأرد  أرد ليفوكَ
واشبكَ روحي حتى التم
......................
الشاعر
سلام الكريزي
العراق_ ميسان