خذت عِبْرة

فك صفنة بصفة وأشده البال
من هول الجرالي وعظم المصاب
أريد أنساك لكن واقع الحال
كل ذكرى بخيالي تفك ألف باب
عَلَيَّ وحسبة حسبة همومي تنهال
عليك يجوز هين تنسى الحباب
وعَلَيَّ بمثابة فرض ممكن للمُحَال
ما أجامل و أگلك سوي ما طاب
ألك وال.الله كريم حچاية تنگال
خذت عِبْرة أثرها وحساب أحساب
أدمنت نشوة خدرها أجيال وأجيال
وفرض مالي إعتراض تعوفلي الهاب
يظل عندي ويروحي بُعدك أشكال
وأظل بهاجس ندامة وقلق مرتاب
أعيشن باقي عمري بدور تمثال
بكل هذا الفكر كل هذا العتاب
تتگلب مشاهد فكري يتردد سؤال
وين أنته شعجب طولت الغياب ؟
استوطن برأسي ثلج وندثرت أمال
اصبر العين أگلها الغلطة بحساب ؟
حجارة روحي وآمنتها بحضن محچال
أگلها الصار صار وكل أمل خاب ؟
شيقنعها المشانق والمَرَاجِيح يصيرن أحبال
اسايسها بشرحها أتطول الأسباب
وتظل ناعور لدمعها وحچي العذال
وأظل لابس بهجرك صفنتي أنگاب
جذع وشل خضاري بهجرك وشال
كورة حطب طاحت بيد حطاب
بريد الموت عنده ودزلي مرسال
منجل وصل روس الأماني وحز الركاب