شريد أخفي

عفه هذا الگطع لو مشتهات
ذنب مني بدر لو مشتهي الروحة
موسم هجر والبعد فاتحلك أبواب
إستراحة عشگ بس إلك ممنوحة
ما بين انتظارك والصبر واليائس
گلبي من القلق ظل ياكل بروحة
تمرجحني الضنون أعله هدوة نار
ستوني الوجع كل بيبانه مفتوحة
بطر وبقيد إنتظارك قيدتها الروح
سجين گباله كرسي وحبل مرجوحة
مدري شمنتظر لحضة عفو أعدام
وجيتك لاصحو ولاطيف مسموحة
شريد أذكر بعد ما فاهم الموضوع
طفل عافته أمه وملتهي بنوحة
عجب ماغزر حرير أطباعي وياك؟
بزاد العشرة أبد ما چانت ملوحة؟
لا عذر مقنع لا شرحت أسباب
عفت سوط الجلد ولذات مطروحة
شيعوضي المضى وصبر لصبرته سنين
قرابين لرغبتك كل رغباتي مذبوحة
رگضت زمر خلصت عمري وياك
وميل طبعك ياچفوف التگدر تلوحة
سلس خام وأدري بصفاتك موس
كل شهادة بحضرتك يفلان مجروحة
بسمار وعلگت برگبته گلادة الأَحبال
شزر شستر وقاصة الإسرار مفتوحة
خذت حصتي التعب مابينت مخنوگ
المهم بعجاب ومديح مدللة اللوحة
ويا لوحة عشرتك ياعتمت الألوان
سر سواجيها حزن وعيوني لتبوحة
شريد اخفي وشظم وبيوتهن جام
اعنونهن فرح ودموع الحزن مفضوحة