مُـو فترة و تعدي
مشتاقلك بَـس صعُب
تسمعها مـن عندي
هالمره ماڪو عذر
گلبي وگف ضدي

انتَ خليك بمكاني
نهر وتعوفه الجروف
انتَ الحنين قسيت
شلون ترحمني الظروف
♡

رقي الفكر
وروعه العآطفه
حقا
قلما يبشر بريآح التميز
في انتظآر جديدكم

من الشاعر محمد طالب عودة إلى الفنان قحطان العطار عتب محبين

ياصاح منهو الذي ... وشوش بذانك وطَن
وشيدت في عزلتك .. بأرض المنافي وطن
اصوات بسمك نخت .. ألحگَ عليهن وطن
للشعب عندك طلب ... بِسْم الشعب داعي
نرجوك حاذر تظن ... ما عاد الك داعي
يشدنا الرجوعك أمل.. شما يدعو الك دَاعِي
أشر قياس محبتك ... مليون طنن وطن

للشاعر العراقي
محمد طالب عوده

ريضلي حتى أعتذر ... عَمَّا بدَر منـّـي
يلي نويت الهجر ... وعذر الهجر مني ؟
مني عليك بشنو ... حتى أقتنع مَنَّي
وَالسَّلْوَى خلصن بعد ... ماضل إلي خاطر
شاغلي أنته الفكر .... ولفكرك فلا خاطر
جربني مرني بعتب ... مرة بوصل خاطر
ولداعيك جفن النظر ... وصل بحلم منّي

ياصاح أنته الجرت ...والگطع منك بَدَر
وبادرت ما قصرت ... صرت بظلامك بَدْر
صريت تگطع وصل ... بدلت حبك بِدُّر
ضَلَّيت عن الوفه... قاصد ضَلَّالك فضَل
ناكر أفضال المحب .... لله ينكر فضل
أعمى ويدور بفلا ... خلاك وكتك فضل
عايش ظلام وحزن ... بالإسم إسمك بدر

للشاعر العراقي محمد طالب عوده

چذاب ما رايد تحب بس رايد تأذيني
والمُشكلة ادمنتك بعد
مثل الجكارة اتنفسك ارتاح وتأذيني
يالجنت احبك من صدك
هسة انت ما تعنيلي
هو انت هم مثل الوطن
انطيتة كلشي بلا عقل بس كُلشي ما منطيني
خليتني مثل الصدك ينزعل ع يحجيني
خليتني اصبع ندم معضوض
وأني المو سبب واللوم ما يجزيني
توهه الجگاره تورثت
خليتني اصفن وانتبه
بالگطف من يچويني
اتمنى ارجع من جنت ماريدك تلاگيني
اتمنى احبك يا بشر من دون متأذيني
وتگتلني وأنا بلا عقل
اشتاگلك مثل الطفل چن انت المربيني

واسكت واشتعل والكاك
بركاد النفس شهگه
واصبر الروح بالدخان
واجيك من الرماد ولايه محترگه

منو مثلي جسر لحمول ثقلك حطَّ متنه
وعر وطويل الدرب عثرات ياما حطمتنه
حديثك طواري الطيب گتلك حطَّ متنه
لجن شخصك عنيد أعله الخيانة هواي برهن
وضنوني شك وخوف حيف زرعت بَرّهن
بارنك جفوفي عُمر گلي شنفع برهن
منك جفلت وبعد سيف بنحري حطَّ متنه


للشاعر محمد طالب عودة

شَعَرَت بمرورك أمس لمن علي مرَّ دوّد
يتبع أثر خطوتك يدري العسل مَردود
ويدري أنته كلك كرم ماترد گاصدك مَرْدُود
المفروض عندك عرش وأنته الملك مَثَله
والمفرض شخصك رمز عِبْرَة وللخلگ مثله
بس أنته نَّاسِك طَبِعَ دَوْرٌ السمح مَثَلَه
وجاوبني ليش شعجب بابك عَلَيْ مردود

للشاعر محمد طالب عوده

يا حيف هذا الزمن مرمر دليلي وَعَل
مثلك عَلَي فَرَضَ وعن فَرَضَه مالي وَعْل
ضليت أرجى الوكت عسى يدور وعلّ
من حيث ماضل صبر والأمل منك خَابَ
والضَّيْم من عمري أكل خلص أَطوَارًه وخابَ
كل هذا وتلومني وتلعن زمانك خاب
حيف أعله مثلي نّمر يتغاوه مثلك وَعْل

....................
محذوري لغيرك إلك جوزته كله وجَازَ
فعلي الخيال بخدمتك والما جاز لجلك جاز
اِزَجَر كليبي زَجَرَ لو لحضة منك جَازَ
تدريني حبي بحر فايض بالوَفا مَدَّه
جازيني عاد بلطف وأخلاصي بوَفا مَده
مايكفيني منك لطف وصبري بوصف مده
شماتي تعزف صبا لا تخليها تعزف جاز

للشاعر العراقي محمد طالب عوده