وين دايس نعمة الله انتبه زين

وضي رجلك نكَست خد الرصيف

انته ياوهو وتدخل الديوان ابوي

هيه تيها وجاي تلعب بالمضيف

ينتفض شيخ العرب ويفور غيض

من يمس الدله واحد مونضيف

انته محد كالك ارض العراق

كعبه لكن تبتدي بحرف الاليف

اخذ فيلك بالعجل منا وروح

تره مو سجيل اوديلك عريف

انه ابن شعلان انه ابن الحسين

انه أبن الأسس الدين الحنيف

لاتجيب الطلقه تزرعها بكفاي

ماكو شجره تخضر بفصل الخريف

انه ابن تكريت انه ابن الجنوب

الفكر ايلاويني ثق فكره سخيف

انه وكت الشده تلكاني الأمير

اطعن بسيف واعزب بالرغيف

انه وي جاري اصيرله ربيع

واترس اجفوفه ورد لوجاني ضيف

ومحي داره واترس اعيونه رصاص

من يفكر يكطع احبال المضيف
جاري جار العفه موداعش يصير
وبس اطيحن يزرع بمكفاي سيف

عــــــــ العايدي ــــــــلي