جاسم الغزالي
قصيد ة للا مام العباس ( عليه السلام)
بواسطة جاسم الغزالي, 14th June 2014 عند 11:37 AM (1069 المشاهدات)
سبع الگنطره ** هيبه ومفخره
ياسيف الامامه ** ياغيره وشهامه
چنك حيدره ** سبع الكنطره
************
بزغ نور الگمر باربعه بشعبان
شعت كل سمانه بگمر عدنان
طلع نور وجمال بصورته بان
وحيدر مبتهج هاليوم فرحان
فرحانه المله ** نادت ياهله
صوره مصوره ** سبع الكنطره
************
نور ابن الوصي من بين ولاح
طشت بالســـمه هاليله افراح
فتح كل ورد خضر الـــــقداح
تلالي بالگمر والـــعطر فواح
زود ومعرفه ** عنوان الوفه
فضلك نذكره ** سبع الكنطره
************
سماه الوصـــــي ياشيعه عباس
عمره ماخـــــــضع مادنج الراس
بالغيره الگمر والهـــــمه ينقاس
حب حسين عاش اوياه بالانفاس
مثل المرتضه ** يحمل موعظه
وبدمي سره ** سبع الكنطره
*************
مامره تگمط وابد منــــــشال
سبع اسنين عمره بهمة ابطال
شبيه المرتضه بالسيف لو صال
مدري الخيل تلبد مدري الارجال
مرفوع العلم ** ساريته الهمم
نورك جوهره ** سبع الكنطره
***********
زوده والفضل صارن علامات
صاحب منزله وعنده كرامات
بالعز والــــــكرم رافع الرايات
شعاره امن المذله ابد هيهات
غيره ومرجله ** تشهد كربله
ماهمه الجره ** سبع الكنطره
**********
نهني ام البنين وحامي الجار
ونقدم تهئنه بالحـــب للاطهار
نقره للگمر هاليــــــله اشعار
ونظل طول العمر للعتره انصار
كل احنه فده ** منهاب العده
حبي ومصدره ** سبع الكنطره
إذهب إلى الملف الشخصي
إجعلها كمقروءة
