بسم الله الرحمن الرحيم
اللهم صل على محمد وآل محمد وعجل فرجهم

بيت الله بيه إنسعد ( في مولد الامام علي عليه السلام ) ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ
للمنتظـــــــر سيـــــدي === نبعث تهانينه
مولد علي المرتضه === مولانه والينه
بيت الله بيه إنسعد === وإحنه نظل للأبد
نبعث تهانينه
ـــــــــــــــــــــ
عيد إو تهاني إو فرح == صدر الرسول إنشرح
وإبليس غار إنجرح == والوالـى حيدر نجح
والكون غنه إبتسم === وإبمولد الحامي
والخير بان إنرسم === وإنسعدت أيامي
ما أحلى هذا الوعد === وإحنـــــه نظل للأبد
نبعث تهانينه
ــــ
ما أحلى نور الولي == حيــــــدر ولينه علي
بيه الكدر ينجلـــي == أهواه آني إو هلي
مرهم شفاء إو أمل === للعاشگ الظامي
مهيوب خيــــر العمــــــــل === عالي علي إو سامي
نهواه من المهد === وإحنه نظل للأبد
نبعث تهانينه
ـــــ
فرحان سيد البشر == مولـــد علينه الأغر
معقود بيه الظفــــر == يسگــي العطاشه نهر
كعبه علي المرتضه === واجب نحج ليها
ميشوف عاشگ لظه === لـــو والى حاميها
ما ننسه يوم العهد === وإحنــــــــه نظل للأبد
نبعث تهانينه
ـــــ

ما باع دينه إو خضع == للشــــــر أبد ما ركع
للحگ يوالي إو سمع == بس للمعالي فزع
معروف خيره إنتشر === دنيانه يمليها
من عنده ناخذ عِبَــــر === خطواته نمشيها
وإبفضله أحمد شهد === وإحنـــه نظل للأبد
نبعث تهانينه
ــ
بفعاله مجده إعتله == خير إو محبه إنمله
بسمه الظلام إنجله == سكــــــــــر ولاءه حِلََه
فرحان بيه النبــــــــي === من هلت أنواره
منصور هذا الأبي === هنياله من زاره
حظ الموالي صعد === وإحنــــه نظل للأبد
نبعث تهانينه
ــ
وإنظل نحب حيدره == نهره علينه جره
عطره إو نسيمه سره == والمايحبـــــــــــــه وره
ما أحلى هذا الحفــــــــل === هيل إو عطر عنبر
من الفروع إو أصـــــل === حب الولي حيدر
حيدر ولينه سنـــد === وإحنه نظل للأبد
نبعث تهانينه