نفحات عطرية
يتبع فى رحاب مولى الحبيبة/ليك منى حر الشوق
بواسطة ود امدر, 27th May 2014 عند 05:15 PM (506 المشاهدات)
ليك منى حر الشوق
ليك منى الف سلام
ليك منى كل تحية
يألفى الفؤاد محروسة
ليك منى حر الشوق يا لفى القلب مدسوسة
ليك منى حر الشوق ولعيونك الحلوات
ال من أجمل حور شاربات
ليك منى حر الشوق لى رقتك
وخفة ظلك الشربات
ليك منى حر الشوق للخدود الديمة
بيها الورود نايرات
لى بسمة ضواية بيها النجوم ساطعات
ليك منى حر الشوق
ليك منى السلام
يامهيرة الحشى ال ب ريده قلبى بسوسة
يا أجمل مودة فى اعماقى كامن ساسه
ليك منى مرسال شوق
يالليكى ديمه أتوق
يا دعاشة الخريف الليها قلبى عشوق
ليك منى حر الشوق
ليك منى ألف سلام
يالفى حشاى مغروثة
ليك منى حر الشوق
لى ضحكة زى معزوفه
بين الحان كمان
طالعه من ينبوع حنان
تسرى وتهدى البال
ليك منى حر الشوق
ليك منى الف سلام
يانسمة عبير
بيها الربيع يختال
بى كل طرب بين
الزهور نشوان
يا روض العواطف
الكامنه فى الانسان
يا انبل مشاعر
بيها العشق يذدان
ليك منى حر الشوق
ليك منى كل تحية
ليك منى ألف سلام
يا شجرة حنان
رويانة من صافى الغمام
مشتوله من يوم الفطام
مفطومه بى خا لص وئام
من اصفى واحات السلام
فيك كل غصن
شايله الحمام
بجناح يحلق فى الفضاء
يبعث سلام بين الانام
يا رقة ما عرفت خصام
يا اسمى ايات المودة
ليك مليون تحيه وليك مليون سلام
عبدالفتاح جبريل عبدالفتاح الجبيل 22/8/2012
إذهب إلى الملف الشخصي
إجعلها كمقروءة
