نفحات عطرية
يتبع فى رحاب مولى الحبيبة/ إستحالة
بواسطة ود امدر, 27th May 2014 عند 03:59 PM (226 المشاهدات)
إستحالة
حا شانا ما بنبدلها
يا غالى ريدتك
بالدهب
كان صافى
كان مشقول
وما بنوفيك قدرك
بى كل وصف
أو قول
****
يا نجم السما ألضواى
وقت الدجى ألسجاى
يابسمة فجرنا ألجاى
بى كل سمح مشاى
ليك الفؤاد يهوى
وليك القليب حواى
*********
يا ضحكة اطفالنا
يازينة افراحنا
يا عبق ازهارنا
يا كل عطور دارنا
إنت العمر غنوة
ياغنوة اعمارنا
يا لحن فرحتنا
يا بهجة أسمارنا
***************
سامرنا فيك الليل
ليلا قصير حانى
تشدو ويعيد الليل
بى كل تحنان
وبعدك صبح ليلنا
ليلا طويل وحزين
ما فيهو إلا دموع
بعد السهاد وأنين
ما لينا غيرك طيف
واشواق سنين وحنين
يا ريته ديمة يزور
يرجِع فى ربوعنا النور
وترجع لى رياضنا زهور
باحلى الرحيق وعبير
يأخذ من شذاك عطور
بس يا ريته ديمه يزور
الخبر /عبدالفتاح جبريل مارس 2012
إذهب إلى الملف الشخصي
إجعلها كمقروءة
