بعد عندي وكت والماضي انساه
واترك كل جرح عيشني وياه
عشت اوياه جرح كل يوم ينعاد
هسه اضماد صار الجرحي فركاه
بعد بيه صبر كد شوك الابعاد
يفز علي شوكت ماريده وانخاه
عفت الحب صدك بس كلبي ماراد
هم وداني يم انسان يهواه
ناس الي تغص معروفه بالزاد
وانه بهاي اغص شرايك هنا.
شفت الحب صعب ولتعشك اعناد
اذن مو حب حرب قسمت معناه
شوق اهل العشك لتكول ما فاد
بس قيس ويه ليلى الحب ثبتناه
هسه بحبنه صار الطالب استاذ
والاستاذ طالب هسه تلكاه
جان الحب سجن ماعنده جلاد
عصفور بقفص من يحجي محلاه
مات الحب صدك هيهات ينعاد
والميت عزيز اشلون ينساه