كل مره اجيلك واعـــــــــتذر يفلان
اذا غلـــــــطان انته وانه لو غلطان
وهالمــــره اموت وما اجي اترجاك
ولا وياك صــــدك ناوي اطخ لسان
كل مره اسامح بـــــــس تعبت وياك
دست خاطر حبيبــــك وانت ماندمان
صح انت حيـــــاتي وانت ضي العين
وصح ادري بغيابك راح اظل تعبان
عليك الدمعه جمره ونهر من تيزآب
وهم مثلـــــي يحبك راح تلكه انسان
عيني ادلل من احجـــــيتها ويه الغير
أكتلت مريم أبيدك والهـــــموم اطنان
(لا تخابر بعد) لســـــــه تدك بالروح
والف بسمه تركتها بوجهه كل شمتان
وانه الي جرحتـــــــني وبيه ماحسيت
والحاول يخــــــطفك مني ظل فرحان
جنت رايد اصـــــده وجي اغار إعليك
بعتني لخاطــــــره وكتلي أظل زعلان
لا تزعل ابد لتخـــــــــــــاف ما رديت
ولا بنــــــــيتي ارد تعرفني من إزمان
بس وسفه إخذلتني وصار عندي اثبات
حالك حال غيرك وانه احس خـــجلان
صــــــــدك ما اجيلك لو اموت إعليك
وما خســــــران انه انت بس خسران