تمنيت الاحبة يوفي وياي

وتمنيتة ابد ميخون بية

وتمنيت العمر اكظي وياه

وتمنيت تصير كعدتنة سوية

وتمنيت الهوة وياه اشمة

وتمنيت الماي من ايدة اشربة

تمنيت....وتمنيت....وتمنيت

جنت اكول شلون جرحك يالحبيب

وجنت اكولن هم يجافيني ويروح ؟

الله يبعد هيج يوم

واجة اليوم الخفت منة وجنت اهمن بي

تركني بلا وداع ونسة عشرتنة

جرح كلبي بجرح ما منة طيبة

جرح مايشفة ابد لو حبيت الف واحد مكانة

ومن يذكرونك كبالي جرح البكلبي يهيج

شلون من الملح يوكع عالجرح يحرك حرك

هيج جرحك بالكلب ياذيني

انة شسويتلك ليش انكلبت وياي

مدري حظك مدري حظي مدري دنيانة التفرفر بينة
بس صدكني صارت كلهة حظوظ
هوة الحظة مايل ترجة يتعدل

بقلمي البسيط
منال الساعدي