[SIZE=7][FONT=arabic typesetting][COLOR=#FF0000]مسافر وين؟؟
مسافر وين بدون ماتدي خاطري رضاك،،
بدون ماتروي شوق ظمآن
عشق ساعة تحين لقياك،،
ودون ما تستجيب لي حنين
عزف نغمك وقام غناك،،
تسافر كيف؟
تسافر ليه؟
وتمشي تسوقا مني خطاك،،
وترحل من دروب الريد
تحن لي دار هي مو هيلك
تجافي بلاد
وقت تحتار تكونلك امك الوالداك،،
وتزرف فيك دموع نيلا
توادعك بي حنين دفاق
وتترجاك،،
تعود ف يوم خطاك الشوق
وبي لهفة يمه تستناك،،
وبي ضحكات طفل ف الحوش
تلاقيك بي سعاده وريد
وفي افراحا دوم حاضناك،،
تعزك ذي نخيلاتا
و ف صدر الجريد كاتباك،،
بلد فاقداكا
في الوديان
وفي الاطيان
وفي قيفة الجروف زارعاك،،
وفي صوت الكناري دغيش
ومن ضي الشمس سارقاك،،
وفي نجماتا
في ونساتا
وف لعبات شليل بالليل،،
بلد فاقداكا دوم بالحيل،،
بلد تطراك ف الايآت
وفي الحارات وساعة الشيل،،
بلد تهواك
وتستناك
وتترجاك تعدل الميل،،[/COLOR][/FONT][/SIZE]