[SIZE=5
گبل ماچنت أعتقد حبك سراب
بس تغيرت وصرت كلشي أعتقد
أعتقد لعبة العشگ مابين إديك
وأدري گلبك للتواضع مفتقد
وأدري عقلك ماكبر للحظة هاي
چان ضنك احترگ من تبتعد
آنه فاهم شنهو صار اليوم بيك
چنت صاعد فوگ بس ما منسعد
چنت لازم نجمة بس تچوي بإديك
وخايف ايصير النهار وهم تصد
فصلوا مرجوحة لك من الحرير
طرزوها بأحلى انواع الورد
وانت صدگت وگمت بيها تطير
ما حسبت احساب ممكن تنسرد
ما حسبت اليوم ترجع بيه ذليل
هي لعبة ويمته ماتشبع ترد؟؟
ما يطهر دمعك انگاسة الي بيك
ولا تزيد العض .. اصبعك ينمرد
ولا تصدگ أقبل ترد بعتذار
ما يرد العرگه كلشي الينحصد
چنت گلبي .. ودمي عايش بس عليك
هسه ما ضل إعلى حبك معتمد
خل نرد للصفحة لولى وخل نشوف
خل أگلبك وأبدي وياك الجرد
أرد أگلب صورتك بول لقاء
مو حلو ولا بيك أي شي ينحمد
آنة بيدي صنعت منك شي جميل
أبقى آنه السيد وانت العبد
راح أگلك كلمة فكر بيهه زين
حتة أخلص نفسي من هذا السرد
القرد لو عالجيته يضل قبيح
شما تعالج يبقى .. چا هو قرد
أنت حالك حال كل المومسات
بحضن باشا تنام يوم وتنسعد
ويوم وية أربع سكارى مهتلفين
بالصريفة وترجف بليلة برد
أنت مو صياد أنت أكبر غشيم
خيط لختاريته غض ماينعگد
ضيعت عمرك تتاني ألإخطبوط
تالي لا سمچة ولا رد البلدتا][/SIZE]