جنون المطر
ايهاب المالكي..كلما
بواسطة Ali Ibrahim, 27th October 2013 عند 02:00 PM (535 المشاهدات)
المشاركة الأصلية كتبت بواسطة ali ibrahim
خسرانه رجعت من هذيج امالها
جرحو احساس السولفولي احوالها
يكولون هسه عيونها وذيج الجفون
الدمع بيهن كلشي ما خلالها
يكولون تحلم بيه رجعت من جديد
الكبل ماقبلت اظل ابالها
ثروه ماعندي وكدرت انطيها روح
عمري مافكرت بستغلالها
الرخصتني ودورت ع اليشترون
الراحت وظل بالكلب تمثالها
يكولون نبرة صوتها تحس بيها خوف
وبتسامتها بدمع يختالها
بحلامها اخطوط المخالب واضحات
اموقعلها اعلى الحلم كتالها
الوادعتني وراحت لكوكب بعيد
الظاهر الكوكب رفض ماشالها
الما عرضتلها ولا كلتلها ليش
كلت ميخالف اتروح بفالها
العلمتني شلون اكول الله كريم
الدنيا تفتر ماتظل بحالها
الجنت الملها الندى ولمتلي ليل
اطيتها عيوني وعصرت اوشالها
الجانت اتغمض بخصلت مستحاي
وجنت اخاف عيون صلفه اتنالها
المثلت دور النوارس بالبياض
اتلونت حتى بسواد اخيالها
راحت وكلبي الترف شوفها غير
وادعتني وسوة اليحلالها
استكثرت بيه الوفى واني الوفيت
حسبت تالي الوكت يصفالها
اتصورت ينطون الاحلام ابلاش
تاخذ وماتنطي شي حسبالها
ايكولون رجعت ظال بواهسها قيد
ماكو مفتاح اليفك اغلالها
واني كلتلهم بعد مابيه حيل
ابني يوميه قصر برمالها
كلولها ادور غصن توكف عليه
للخريف انطيته غصن الشالها
ارضت بدمعه كلت عصت هواي
ابمهرت احساسي عثر خيالها
كلولها شال الهوى امن الذكريات
والبقى امن العشره بس اطلالها
كلولها ادور حلم مضمونه بيه
هواي الاحلام التغر اشكالها
كلوله يكول اني ناسي ومن زمان
وهي زين اذكرت هنيالهه
إذهب إلى الملف الشخصي
إجعلها كمقروءة
