[f يا قا ئم ال محمد
*****

يمحمد بالعبــــرة نادينة وبالحسرة

يا صدر الدنيا أيتام وبعدك بس بالألام
***********************
يا نـــور الولاية ياصدر للدين

عاشرنة الدمع والله ينور العين

يمحمد فكدك خلـــفنة وونــــــين

فجيعة والاشد فاكد بعد شبليــــن

نجمين وبدرك غاب والكون اليوم انصاب

خابت بينة الاحلام وبعدك بس بـــــــالألام
***********
بأحزان الوكت انة رسم صورة

ومعتم علينة الكون وبنـــــــورة

وكلوب بفكدتك كلهة مجمـــــورة

يبو مؤمل الك أرواح مــــــنذورة

وعيون تبجي بدمعة وتضيك بيهة اوسعة

جارت بينة الايام وبعدك بس بـــــــالألام
*************
يا صرخة ضماير يلي صوتك صاح

يا صدر الكرامة توشحت بوشـــــاح

يا نبض الضماير للكلب سبــــــــــاح

يار وضة المؤمن يا صرح ما طاح
يا صوت من منبرنة محمد يا قائدنـــــــــــــا

وبيك ارفعنة أحنة الهام وبعدك بس بـــــــالألام
*****************
يمن بأسم يصدر الدنيا شلت الخوف

يالناهـــــي المنكر تأمر بـــــمعروف

وزلزلت بصداك أمريكا بيهة الخوف

الكمر يمحمد بفكدك بقة مكســـــــوف

وعيون تجري بفكدك وتاريخ يبقة يخلدك

جفنك من غمض نام وبعدك بس بـــــــالألام
**************
جسدت الحسين ومنبرك عاشـــــــور

بكوفان القيادة المنهــــــة ثورةأثـــــور

من حسين الشهادة البيهة أخذت الدور

يمحمد يمن بيــــك النصر منصـــــــور

خطيت للثورة حروف ومنهة أنزعت الخوف

وسقطت ثورة هدام وبعدك بس بـــــــالألام

بقلم الشاعر ميثم الخزاعي
********

قصيدة رائعة تحكي معاناة شهيدنا المظلوم قدس سره

شكراااااااااااا ااااااااااالكم وحياكم الله اخوكم حميد اااااااااااااااالزيرجاوي