كلامك مختلف مو مثل الأول ليش ؟؟؟
منو الوزك عليه وغير أفكارك
سر بداخلك شتظن علي تخفيه
بعد كيلو متر وآنه أكشف أسرارك
كلش زين أعرفك وأحس كلشي البيك
وأعرفهن شلون يعزفن أوتارك
ولأن مرن عليه أعتقد مكشوفات
لا تتعب بعد وتجدد أفكارك
أخبارك تجيني مجند آنه هواي
أهلك ! وأصدقائي ! وناسك ! وجارك !
يعني بكل سهوله بيتي أظل مرتاح
ونصآ بالحرف توصلني أخبارك
كلك حافظك من راسك لرجليك
خشبه ؟ وتعترف بس آنه نجارك
ما عذرك لو ردت عني تروح
وأذا عني رحت شيفيدن أعذارك
أتظن متجاهلك ؟ لو تعتقد ناسيك ؟
وأنت بنبض گلبي وياي تتشارك
أحبك مدري ليش وبيك أموتن موت
وأحسنهه ثلج تنزل علي نارك