اجریت هذه المساجلة فی تاریخ 28 / 5 / 1392

ارسل الشاعر الاهوازی عبدالحسین الباوی مدیر موقع أدب الأهواز بیت من الابوذیة للاخوة الشعراء و اجابو علیه جزاهم الله خیراالیکم هذه المساجلة و البیت یقول .

یصاحب من غیابک علی تل هم
صرت اطحن صبر و الروح تل هم
مثل ما تتله کتب الغیر تل هم
کتابی و رد علیه ابلا تحیه
عبدالحسین الباوی
*****

و هذه ردود الاخوة الشعراء

انطعن چبدی الطعنی منتلیته/
اعرضت وامرک تلیته منتلیته/
ردت تلوان خطک منتلیته/
اذبلت حبن ولا تم حیل بیه....
الشاعر : غلامرضا البوغبیش
*****
على ذاك التراب الچان تل هم
وگف گلبي و قهر هالروح تل هم
احبابي ابيوم غدر الوكت تل هم
مني انكسفت الشمس المضيه
---
عليه ابسبب فعل الربع تل هم
الغدت دخان عطب الفحم تل هم
گوم الما تربي ابعلم تل هم
يضيعون ابمتاهه و جاهليه
الشاعر : خالد ال ناصری
*****
یصاحب من مأسی الجهل تلهم
ابدلیلی اومابگتله اعروق تلهم
انه وین اوتگلی الکتب تلهم
ابعذاب اوظیم لاتعتب علیه
---
شرابک لیش ظیم اصبح وتلهم
اسی چاراحتک راحت وتلهم
تل چان الگلب بی هم وتلهم
قضیتک چملت واثرت بیه
الشاعر : اسماعیل المشعلی
*****
انجمع هم اعله هم اوصارتل هم
*اوغدة نارالهجربحشای تلهم
*اذاتتله کتب ارجوک تلهم
*کتابی اوشوف تاذی القصص بیه
الشاعر: حسن نیسی الحویزی
*****
یصاحب هلأحبه الدهرتلهم
وجروحی غدت فوگ اللچم تلهم
ملح وکتابک الهلگلب تلهم
وبعثلک من صبر میت تحیه
الشاعر : ملاعلیرضاالنوروزی
*****
قدو ربعی وصفیت بضیم تلهام
وبقت روحی الیمه وصبر تلهم
تل جور بجفاهم صار تل هم
وبعدنی أتأمل يردون ليه
---
شدگ بیدی صبر بجفاک شلهام
چثیره جروح بیه وصعب شلهام
بعدگلی الشماته ویای شلهم
انته وحرمو وصلک علیه
الشاعر : ابونجم الصابئی
*****
جفاک اعتقدبگلیبی شتلهم
اذاشح الصبر روحی شتلهم
احبابی لوظعن واحدشتلهم
شفعل من تشت اظعون الیه
الشاعر : الحاج نعیم کروشاوی
*****
دلیلی ابیوم عفتک شال تل هم

وروحی مثل روحک صبرتل هم

یصاحب بی کتابی إتگول تل هم

أتل بی چیف عله إهوه المنیه

الشاعر : هادی الإمغیطی
*****
لمن من ظیم خلانک بتلهم
ابدلیلک یاصبر ینفع بتلهم
آنه ابوسط دلالی بتلهم
بنیت اوتالی هم اغدروا بیه
الشاعر : فواد اسماعیل المشعلی
*****
راح الفرح یاصاحب وتلهم؟
اوروحی ادگ صبر ضلت وتلهم؟
اذاکان الهجریرجع وتلهم؟
افرح والسعاده اتعودالیه؟
الشاعر : حیدرالمشعلی
*****
الگلب بجفاک شال اهموم یرتل.
حزن بکتاب هجرک صار یرتل.
بفراگک یولفی اصرخت یرتل.
حب ایعیش خل گلبی ضحیه
السیده عاطفه النوری
*****
يصاح ابموسط الدلال تلهم
وغدت رحاي بگصه احشاي تلهم
حسافه احباب گلبي الدهر تلهم
غدر والناربفوادي سريه
الشاعرالحاج جمعه عباسي الطرفي (ابويوسف)
*****
يصاحب لاتسد الباب وتلاک
وآنه اؤل فزع لوصحت وتﻻک
تضل ابسرحیاتی اکتاب وتلاک
وضیعن لویشح وصلک علیه
---
دریت ابیرگلبی اهموم منتل
طحت وبريشة السقای منتل
اصیح ابدسکرة بلواي منتل
ويشدعزمي ويردالنفس بيه
الشاعر : حسين وحيدالساري

المصدر: موقع ادب الاهواز
http://www.adabalahwaz.com