مات جوة الكاع حبك من عكب ما جان نجمة
وشرجي صار العمر بعدك يل جنت بايامي نسمة
احنة سبحة وطش خرزها وما نرد هيهات لمة
الدنيا جذابة ووكيحة وهالوكت ما عنده ذلمة
وانه حزني الجان جاهل من هجركم صار زلمة
والله ندمة
بيه وصلت انسى اسمي وما نسيت بيوم اسمه
وروحي بيني وبينه صارت لاهي يمي ولا هي يمه
شما اريد الزمها عنك روحي ما تنطيني لزمة
والله ندمة
حصدوا بستان وردك وانا حسرة عليه شمه
وكالوا المقسوم يحصل وانتظر تجمعنا قسمه
ولو سمعت جدام مرت كلبي فرفح كال جدمه
والله ندمه
حسبت يذكر محبتي وبالبواجي عيونه تعمة
ولو ينام بغير حضني يصير تابوت على جسمه
بطلت عينك بواجي ورضت بشفافك البسمة
والله ندمة
شمعي نورته بطريقك وانت شمعاتك مظلمة
كولي يا نوم اللي انامه يا حلم كولي الاحلمه
كافي ونساهم يا كلبي وذولة مو وجوه نعمة
تكتب بدمك رسايل للي ما يسوى كلمة
وبعد لا تحمدلك احد تالي هم تحتاج ذلمة
وبعد لاتحمدلك احد تالي هم تحتاج ذمة



22أعجبني · · المشاركة