لبسوك الحلقه الله وياك روح
مبري ذمه وداعت الجاب الخبر

لجن بس رد جر اصبعي من السنون
رايد اشبك سيف ما ضايك نحر

يجي طاري المحكمه و عــالقبله انام
انته كاطع نفسي لو كاطع مهر

واكـــف ويتعثر بجسمي اليفوت
واني جنت من مشي افيي اعلى الشجر

اكبالي باسك وانته بادلته الشعور
شفتك ابعيني واكولن لاصور

شكو بحنيتي حنية امام
ترفس ابكلبي واترجمهه عثر

جنت اشيل وياك كلب امي احتياط
ومن يسألونك تكللهم كبر

طير شايه كسرو اجناحي وعليت
مو مسيطر لجن بعدك وين احط

والله ما مقهور جي مني خذاك
المشكله بيناتكم ماكو ربط

يالبعتني بوكت محد يشتريك
راسم انرديت موجدمي اليخط

حتى بالطيف اسمع الشامت يكول
شكد جبيره اعليك ولفك مرتبط

اشتهيت ابجي من يدايني عين
كون تنباع بثمن جان اشتريت

من اغربل صدري جم عبر ه التطيح
وكع لون خدودي من كد مابجيت

حسرتي تدفعك وصلت الهيجي حال
هاي سهله المشكله بيوم المشيت

صافنه بشفتي الجكاره ومن خذاك
وصلت الجمره اللهاتي ومادريت

جي تحبهن جنت اسولف بالقصور
والله جان اكبر طموح املكلي بيت

ويالمفرع جثتك اكبال الغريب
يمي شو ساتر على اخيالك بنيت

ماخزرتك لحضه يالخازر كفاي
و ادري حب من طرف واحد بس رضيت

ويالخنتني بكلشي احلفك بالجروح
موته سهله الكالي وعتبرك وفيت