انة ابن الشيوخ التعرف النوماس
مو انة الاعيل بناسي واخواني
امسح دمعة الضالمني اذا اتعذر
واحس بجرحة وانسة بيوم بجاني
يتبلة علية الما لكالي اعيوب
ما يصبر يلاكي اعيوب ويتاني
انة الصدر الحمل ياما سهام اهواي
لجل هل حالة ابوي (سيف) سماني
عيب اعلة الزلم تمشي بحجي النسوان
ولجل خاطر افلانة افلان ذماني
الوكت لبنادم يعلم ادروس اهواي
وانة اكبر درس من مكرج انطاني
سيف اسمي لجن بجفوفي اشيل اورود
وانتي الكرم بسمج والفعل ثاني
يتيم ام وابو بس لمن يسالون
اكول امدلل وعايش الرباني
انة امي ذي قار ام الكرم والخير
وابوي انة العراق بخير اضل اني