قصيده بحق السيده زينب(عليها السلام)

فكد الاهل ياناس بيه تدرون

يشيب الراس ويعميها العيون

والطلعو للحرب ماضن يردون

وكل اهلج يزينب كامو يطلعون

الاكبر والكمر ويه البطل عون

بنصرت الحروحبيب وعابس وجون

طاحو وي كفر ماضن يرحمون

وبين هذا وذاك ماكامو يفرقون

شباب وحرم ويه اليرضعون

زينب والحرم بعدحسين هسه شلون

من حزو ركبته وبضلوعه يرضون

انهض يابطل بعيالك يسلبون

وضلو عد غرب بيهم يمثلون

وبسياطهم بيهم يضربون

كون يردعلي فنهم هذا يفعلون

وكون كل الراحو يردون

ويرد عباس والجفين وي عيون

وكون كلهم يم زينب يفزعون

جان العدو لسمج زينب يهابون

والج والسجاد ماضنهم يكودون

ولا بسياطهم بيكم يضربون

وبمجلس يزيد ابد ماضن تدخلون

وبمجلس يزيد ابد ماضن تدخلون