مسحتك من حياتي واحلى الأيام
وأريد أنساك آنة مقرر اليوم
لأن انتة تبدل اطباعك هواي
صارت سهلة عندك مثل الهدوم
أنة گلبي بري وحكمته بالاعدام
إذا مو اليوم باچر گلبي معدوم
عشت وياك سمچة مفارگة الماي
وگضه عمره السمچ ماكول مذموم
أنة طبعي صگر ومعلي بسماي
وترى عمره الصگر ما رافگ البوم
لا تظلم عزيز النفس وياك
وميدوم الظلم ولو دام شيدوم
ما ضگت الفرح بعشرتك ذيچ
مرار بشفتي وملازم الصوم