حيرة وماعرفت شلون وياك
تصفى ويمشن احساسين بالضد
جرحي وياك ماراويتة للغير
موقصة شماتة وخوف من ند
لو كل جرح يشبه جرحك يصير
الا احلف يمين جروح ماشد
اسد بابك بگلبي بغفلة الروح
وتفز مرعوبة روحي تصيح شتسد
انة بحالة تناقض وانقسامات
وصراع وفوضوية وموجد وجد
بحيث انشطر شخصيتين وياك
اكرهك واليحبك يمي يگعد
احط موعد لنسيانك واجي اردود
احط للموعد البيه ننسى موعد
باشد حالات زعلي اتصالح وياك
سماي نجوم بيها وغيم يرعد
واجيك وباعتقادك جابني الثار
وانة من ابعد عليك يجبني الود
اثور بدمعتي ويتراجع الشوك
بعدك وافتهمناه طيفك شبيه
گبل ماسامع انة بطيف يبعد
خفت عن لايمر وجفني مطبوگ
گمت حتة من انام عيون ماسد
كانك شارد ودمعات العيون
عليك ابين اليمرون تنشد
ناس هواي اليتمنون هالروح
ولكن بس انت بقعر القلب تركد
وراك تصير وحشة موت بالروح
بس المايخاف بروحي يگعد
تسالني منو الوياي بجفاك
على دمعتي لو ع الموت تقصد
اطمأن ماشوف وجهي عيون مابيه
على دربك عيوني متانية ترد
حسبت اطول مسافة زعلة وياك
خطوة وچنه بيها شوية نبعد
كل مانمشي بيها انفاسنة تضيگ
ماتكمل الخطوة للهوى نرد
حجر صدك بماي الواهس يطيح
ثواني ويصفى خلگي وزعلي يركد
تعال الشوك هم بيه فزعة مرات
لهذا على اليموت دموعنة تهد
تعبنة الاصابع خلها ترتاح
گضينة الفرگة كلها بيهن نعد
عله سنبل اسراري وباچر يجوز
بيها چفوف اليشمتون تحصد
انة بلياك اوقت ساعة الموت
بس يالحظة اموتن مامحدد