بالحومه وصار زماط.. هاشم ذبو رباط
حيو الهواشم
ـــــــــــــــــــــــــ ـــــــــــــــــــــــــ ـــــــــــــ
من شاف طولانه اللسن.. اختاض عمه الساده
بالروس يا عمنه الكمر.. خلي نحوك اوساده
عباس هوس بالحرب.. حصتنه روس القاده
والجيش من شاف الگمر.. ضيع درب مشراده

ناس اتفزع بالناس ضم راسك طب عباس
ريشاته.. وسكينه التمسح
ـــــــــــــــــــــــــ ـــــــــــــــــــــــــ ـــــــــــــ
تلاثتهم اتعنوا سوه.. جا غير هية طلابه
كل واحد تشوفه علي.. والموت حدر نكابه
زعلان سيفك يالگمر.. عباس كسر كرابه
مو ذبح حركوهم حرك.. بالطف غدت عطابه

دخن والله الستار.. والريشه اشتعلت نار
نوفين.. ما خاف يحط بي
ـــــــــــــــــــــــــ ـــــــــــــــــــــــــ ـــــــــــــ
حاجوز ما بيها وصفت.. فوك النهر دمايه
ما لاحه بالسيف الگمر.. طكه بعصات الرايه
عباس ذل حتى النهر.. بالخوذه ينكل مايه
قاسم والاكبر هوسو.. واحتارت الغزايه

رباط الهوسة يكول.. يركض حتى المشلول
بالزردوم.. اعرض لو طبهم
ـــــــــــــــــــــــــ ـــــــــــــــــــــــــ ـــــــــــــ
عباس كومها ورجع.. وي الجدم خلاها
داس الشوارب بالجدم.. روس العرب ذلاها
والكاع حمره من الدمه.. سبحان من سواها
عباس سورة زلزله.. وبس الفطن يقراها

من حيدر شايل حيل.. خيل يطكهن بالخيل
لو ما حسنه.. جا شال الطف
ـــــــــــــــــــــــــ ـــــــــــــــــــــــــ ـــــــــــــ
عباس حمزه لو علي.. باشط حلات اطراكه
لاكه ضم وجها وشرد.. من صار بيها املاكه
تتجادح اعيونه جمر.. يا غيرته الحراكه
والشمر من شافه برز.. يبلع بقه برياكه

بدويه امه يكولون.. علويه وما يدرون
ما ريده.. خالي الما بي حظ
ـــــــــــــــــــــــــ ـــــــــــــــــــــــــ ـــــــــــــ
يا حيد يالما يلوي.. والحيد سمره جفوفه
من صارت امكاطف ركب.. وصلها حد الكوفه
مو هيل بالهاون يدك.. روس ويعزب اضيوفه
عباس خورسها ورجع.. خله بزلمهم خوفه

ركضهم مدري الوين.. يمكن ردها لصفين
سبعينه.. طك واحد طاحوا
ـــــــــــــــــــــــــ ـــــــــــــــــــــــــ ـــــــــــــ
عباس كابوس العدوا.. بالنوم يلفه عليهم
عاين بالوجوه الصفر.. دور زلم ما بيهم
عباس من صار الركض.. بيهم نسوا رجليهم
يشردون منه بكل درب.. عباس يطلع ليهم

يذبح كلمن لاكا.. يذبح بزره بمكفا
يالعباس.. اذبح قادتهم
ـــــــــــــــــــــــــ ـــــــــــــــــــــــــ ـــــــــــــ