[CENTER][COLOR=#FF0000][SIZE=6][FONT=arial]قصيدة ( سؤال وينطرح ) مكتوبة[/FONT][/SIZE][/COLOR]
[SIZE=5][FONT=arial]**************
[B]سؤال وينطرح جاوب يَدهري أبو فاضل بشر لو نهر يجري ؟
العطاشـه تصيــح نريـد الماي ويجــي العباس عــذب روّاي
[/B]
*******( 1 )*******[/FONT][/SIZE]

[SIZE=5][FONT=arial]اطرح سؤالي ... واترك خيالي ايدوّر الجواب
مثل العطاشه ... صبري تلاشه وإحساسي ذاب
ليش الطفل وكت الظمه تحجيله أُمّه
وتگلّه عباس اعتنه وتذكرله اسمه
هوّه بشر يو لا نهر وجروفه رسمه
العطاشه بكربله كلها تريده وعطشهم ينتهي لو لزموا ايده
اعله هذا الحال صفنت هواي ويجـي العباس عــذب روّاي

*******( 2 )*******

عباس اشوفه ... وألمح چفوفه راية وخيام
من كل جهاته ... ينضح فراته حب وسلام
من راسه دُخّان الوفه يصنعله غيمة
وهالغيمة تِتنَزَّل مطر بيده الكريمة
بكل خيمة يدخل مشروعه وقربة عظيمة
نهر بين الخيم چانت مشيته الهوه يرسم شكل موج بلحيته
وانه العطشان اظل بهاي ويجـي العباس عــذب روّاي

*******( 3 )*******

ليش العقيلة ... لمّن تجيله فسرولي هاي
تمدله جربته ... ايردها اعله اخته مليانه ماي
معناها مو بالمشرعة الماي التريده
عباس أبو فاضل نهر مد الها ايده
من عنده غرفت واندعت الله يزيده
بكثر ما ينضح إحساس ومحنّه أبو اليمّه اذا يعطش يحظنه
بغيابه يصيح جـمـر بحشـاي ويجـي العباس عــذب روّاي

*******( 4 )*******

تلوج الضمايه ... للبيده رايه مو للفرات
يردونه كلهم ... بيد الكفلهم ماي الحياة
من كل طفل نسمع حچي ودموعه تهمي
مو جيبوا ماي احچايته جيبولي عمّي
لا يمشي صوب المشرعة خل يبقى يمّي
الرضيع البالمهد لمّن يشوفه يحرك شفّته ويرفع إچفوفه
عَليه الماي يحس بي جاي ويجـي العباس عــذب روّاي

*******( 5 )*******

شاطي الحبيبة ... والله عجيبة للشاطي جاي
مثل الوديعة ... حتى الشريعة تگلّه انته ماي
جان النهر كلّه عطش ويگلّه وينك
اتوسلك يابه الفضل مدلّي إدينك
لشفايفك خلّي اقترب خذني بيمينك
رماه وجاوبه بيا نفسي هوني تغرگــك يانهر دمعة عيوني
نهر عطشان على الوفّاي ويجـي العباس عــذب روّاي

*******************************************[/FONT]
[B][COLOR=#FF0000][FONT=arial]كلمات / الشاعر الشيخ ‏وسام الشويلي[/FONT][/COLOR][/B][/SIZE][SIZE=6][COLOR=#FF0000][FONT=arial]

[video=youtube_share;40KCTk7t6D0]https://youtu.be/40KCTk7t6D0[/video][/FONT][/COLOR][/SIZE]
[SIZE=5][FONT=arial]
[/FONT][/SIZE][/CENTER]