الشاعر هادي العايدي

على كلشي احترك ما سومرت مرتاح
ولو هو السمار ملوحه السنبل
ابن ادم ع الخبز يحرك كلب تنور
من تحرك بكلب الناس شتحصل
لا مأذي بشر لا الي وجه مكروه
صح غيبت وجهي حته ما ازعل
عزيز ولا يكلي شغيرك وشبيك
واصل حال حته المني بيه يمل
انه ادري بيا اسلوب ايسايسون العين
وتغمض من عصر جل الحمام تجل
وانه اللامهن بضلوعي ما انه الشاد
كصب والهوسه العصفور متحمل
ما يتعاركن اله بمسيت غروب
والغروب بكصب حاجوز ما يدخل
انه همومي كثر بس يوجعني ثنين
الاول عمت عينه الناس التكحل
ومر مني وتعده وده وي الناس
حجي يكلهم عليمن ضال متأمل
يكلهم غاد واكف ما يجيبه الشوك
الا اسحل وراه يريد مثل الضل
النخل لتشوفه واكف حته اديه تموت
ويكض اصفاحه لمن صاحبه يطول
والثاني الكلفني وضل صدع بالروح
انه الخليت روحي بموقف يفشل
واحد جان اخوي ومكسبي بدنياي
وعلى ضحكه مره لن صاحبي مبدل
مغزل ما يدور براسه بس الصوف
من تطك صبع وتلاعبه التغزل