هايمه ما حنيت الحضني وهذاك البيت
يما شعفت لمن رحت شخليت لعيوني
ماتقبل اترجاك امك واخذني وياك
يرجع كلت وتفاشلت ويه اليسألوني
موتوها خشنت كلمتك واحلام تضحك لاكتك
من عينك تحسدك خفت كل ساعه ابوك مرايتك
يوجع صفنتي الليل بضنوني يركض حيل
عالسافروا عالمادروا لا كاع خلوني
هايمه ماحنيت الحضني وهذاك البيت
يوم الرحت يمه شعفت شخليت بعيوني
.......
حاجيني كعدة ضيف من عيني اشوفك طيف
وين العرس ميته الشمس ورماد بجفوني
اسم الله على كلب الطير شمدريني هيج يصير
حنه وجرح ليل بصبح وين اليسمعوني
الشاف الجرف شارب نهر ماينطي موعد للسفر
لا محد يكلي التفت بلكي الكه اليجذب الخبر
ياكلبي زين تشوف بيك المصيبه تطوف
راحو سوه دفنة ضوه وبظلمه خلوني
حاجيني كعدة ضيف من عيني اشوفك طيف
وين العرس ميته الشمس ورماد بعيوني
......
مايلحك التابوت حط يمنه سوك الموت
نركض بجي نبجي ركض عالخالي ذبحونه
حتى السلم هاليوم وجدانه ظل ملجوم
لا مو حرب اخ الغرب مايوم لاكونه
هي شوارع لو فلم هنا راس مكطوع وحلم
معقوله بالدنيا بشر يشمر على الفقره يتم
بس ردنا نفهم ليش الدنيا كلها تعيش
شوك الكبر ناقص عمر عدلين دفنونه
مايلحك التابوت حط يمنه سوك الموت
نركض بجي نبجي ركض عالخالي ذبحونه