ما همني المن تنتمي واليا قوم
بس همني طيبك وارقيٰ طيب الأخلاق...
يا صاحبي الشاعر طريٰ الما مسموع
ولجله ايتدقّق وايتبحّر لـــ اعماق...
فاهم زرعت الطيب ادري ابــ إخلاق
شجره العمر وايّامه تدريهه اوراق...
دربك وصف لــ اهل المَثل كلّك ذوق
الذاق طيبك بي عمر يحچي و راق...
يا ناظري ليل اشته ما مرني اوياك
في ليلك الحبُّ سرا في الأفاق...
مشهود گلبك منرسم بي ناعور
طيب ايتناگل عــ البشر كــ الأرزاق...
وما شال غير امسامح واللّٰه اوياك
لـــ الخان بيهـ وشايل اشگد اشواق...
ياريت عشرا ابكل الف مثلك صار
چا هسّه بــ السوگ الغدر ما ينساق...
وچا هسّه مسحوگ ابجدم اهل الطيب
وچا صارت ابخير البشر مامِن عاق...
وعكّاز مامِن لاكو امحدّب صار
ومو إيد بــ ايد امسالم ايصير اعناق...

ك...جاسب الحمودي المالكي ""