صدك تحجين اختي ؟ معقولة الصفح والتسامح بكل الحالات ؟ معقولة اسامح واحد زاني فاجر فاسد معروف على مستوى مدينة بكاملها بالزنا واللواط والفجور والمعاصي وكل اللي حوله يتجنبوه ويتنكسون منه معقولة نسامح هيج فاجر افترى على عائلة شريفة طول عمرهم مستورين بغمضة عين افترى عليهم بشرفهم ودبرلهم تدابير ومكائد بس ألله وحده يدري بيهة وألله وحده يدري هذا الخسيس المنحرف المنحط شنو اللي مسويه وشنو نوع القذارة اللي مفتعلهة بحيث الناس مترددين يحجون الشي اللي شايفيه بالكامل وفوك هذا كله افترائه اجة على اكثر عائلة عانت بحياتهة ماعانت من قهر ومآسي يجي هذا المجرد من الاخلاق والضمير والرحمة يحمل الناس العفيفة نتيجة فجوره اذا هو زاني والناس ماتطيقه لان واصل مرحلة من الفساد الناس شنو ذنبهم ؟ طيب لمن متاكد من نفسه هو شكد قذر ومعفن وخسيس وديشوف اللي مقابيله عائلة مستورة ليش ماعرف قدر نفسه من البداية ؟ هو اللي ألله ما موفقه لو يرتكب جرائم العالم كلهة علمود يحقق رغباته ومصالحه الدنيئة هذا طول عمره يبقى ما متوفق قابل ألله غشيم من خلاه بهالحال وبلا زواج هذا شيخلف ؟ يخلف زناة مثله ولو هو مبين لو يتزوج زانية مثله من الزانيات اللي وياه لو يظل طول عمره بلا زواج ويتقبل نتيجة اعماله ويتحمل كل اللي وصل اله بسبب المعاصي والمحرمات اللي ارتكبهة وفوك ما زاني اجة افترى على بنت عمرهة ما عدهة شي مو زين اجة افترى على بنت كل همهة راحة بالهة لارايدة زواج ولاارتباط ولا اي مشروع محاطة ببالهة وألله وحده يعرف هذا المايخاف ألله شمسوي وشمدبر بس كلشي رح يبين بمرور الايام وحقي اخذه لو كلفني حياتي طز بهيج حياة اذا تنعاش بهذا الافتراء الشنيع من واحد دنيء لاذمة ولاضمير والامن الوطني وياية الحمد لله ويراقبوه ويحاسبوه على كل شي اقترفه بحقي اني واهلي واخلي يصعد للمحكمة يتحاكم وهو مشوه الوجه والا اخلي عقابه اول شي على ايدي وبعدين ينال جزائه بالمحكمة.آسفة شفت مدونتج وعلقت عليهة

العفو منج اخت Najd واني ما رايدة اكتب تعليق ثاني هنا على مدونتج بس وألله الاخوة والاخوات ضاجو مني ومن نفس السالفة ويومية ماعندي غير هالموضوع اللي دمرني واللي ما خلا غير فكرة الانتحار تدور ببالي وبالقوة كاعدة اكتب بس رح اعتبره تكملة للتعليق الاول شلون رح أثبت للناس انه اكو مجرم شنيع وضيع ودنيء اجة برمشة عين دمر حياة وسمعة بنت طول عمرهة شريفة هذا اللي ألله يعلم شنو مسوي ومدبر حتى يشوهني ويخليني بنظر الناس مثله شلون ظلم هذا يجي يشوه بنت شريفة علمود قذارة بداخله يريد يحققهة بالوقت اللي اني لا رايدة زواج ولا طايقة هذا المشروع الفاشل طول عمري ما مهتمة للزواج ولا لكلام الناس عن الزواج تالي يجي هذا المجرم يسوي كل هذا في محاولة منه ان ياثر على سمعتي شلون حابك حبكة ومدبر قصة بالاحلام متصير وبطريقة مال واحد صدك زاني طول عمره باقي بلا زواج والناس تتنكس منه إلى أن وصل لهذا العمر وشاف نفسه شكد هو قذر منبوذ وبين الناس زاني فاجر يجي بمجموعة أكاذيب ملفقة يساوي نفسه بعائلة طول عمرهم مستورين الناس الملوثة متصدك لأن ملوثة واقربائي وولد عمي ذولة اذا سمعو واجوي يسألون عن هالشي هيج رح يقتنعون بسرعة؟ وألله لو رايدة أتزوج ومدورة هاي السالفة اللي أفشل مشروع بنظري جان تزوجت ابن عمي الجبير خريج وابن عائلة وصاحب أخلاق ذهب وقبل كلشي ابن عمي حتى لو جبير بالعمر ع الأقل صاحب أخلاق اصفى من الذهب ومو كلمن جبير ممتزوج معناهة عنده شي مو زين لو أريد جان قبلت بيه بس أخلاقه تعادل الذهب واصفى من الذهب وقبل كلشي هو ابن عمي مو جايني هذا الشايب الفاجر ابن الحرام ألله لا يوفقه على هذا الافتراء الشنيع بس وألله تعبت من هذا الشي وما اكدر اتواصل وأقرب المقربات الي ومالي نفس احجي ويا أي أحد وسلمت قضيتي بيد الأمن الوطني هم ذولة ظهري وسندي ويراقبوه من يطب ويطلع وبكل وقت ونشوف منو أعوانه واقرانه منو اللي عاونه ورح ابقى اراجعهم لو يبقى آخر نفس بحياتي إلى أن أثبت برائتي وبايدي أخذ حقي قبل المحكمة من هذا العايب الزاني بس خليه تحت المراقبة إلى أن ينال جزائه ألله كريم..آسفة اختي