افتحلي عينك خل اشوفن وجهي بيك..
راويني بوسه تدري عطشان اعتنيك..
اشتهيت الليله يمك حته اظمك
حته احضنك حته اشمك
بلهفه المشتاك راح اني اجيك..
عطر روحك ولله احبه..
فدوه لا تكسرلي خاطر
لا تگلي مرني باچر..
ليلي وحشه
عمري وحشه
لاتغيب تگول غبشه..
شهگتي تبچي الحمامه.
خذني يمك كحله لعيونك اصير
بدونك اصبح بالدرب چني علامه..
لليتيهون الطريچ..
واهس العرسان بيه
احضن اصورك ونام..
حته احضنك اني حيل
خل اشتلك بالمسامه
بلكت اتخظري هيل..
ابرد وحضنك الدافي
كافي ارشه بطولي وادفه..
وانه جاهل غافي عمري
وانته خليك بمچاني
النهر هم يعشك اظنه
يغازل النورس اشوفه
وين ماحط عله ضفه
الشاعر مصطفى جاسم