عام 1973 خرجت على مسامع المستمع العراقي اغنية عبادي العماري (اغنية الفصلية ) في بداية الامر اغلب المستمعين راحوا يستهزون بكلمات الاغنية وهي كانت من تأليف الشاعر الشيوعي جودت التميمي وبعد مرور سنوات طويلة على هذة الاغنية اكتشف المستمع العراق
ي انها اغنية تقدمية تحارب الجهل والعادات لدى العشائر العراقية والضحية هي المرأة وهذة كلمات الاغنية ...
(الفصليه)

جابوها دفع للدار
لا ديرم ولا حنه ولا صفگه
ولا دف النعر بالسلف لا هلهوله لا ملگه
نشدت الناس عن قصه هالبنيه
اشعجب جاروا عليها بغير حنيه
ورديت بگلب حزنان من گالولي فصليه
العنت ظلم التقاليد بألف حرگه
عمنها الأخضر الهرفي بسعر اليابس تحرگه
جابوها دفع للدار
لا ديرم ولا حنه ولا صفگه
احديثه تگول حوریه
بربیع العمر میاله
حرام دموعها الطيبات عالخدين هماله
وين العطف والرحمه يفصاله
لاسوت ذنب لا هي چتاله
چاهیچي حكم ديوانه المهيوب ودلاله
علي تحرم فناجينه وگهوته وگعدت ارجاله
لون يبگه الظلم والجور من اطباعه وعماله
ولون يبگه اعلى هالحاله
غصبتوها.....هضمتوها......ح​رمت وها
وهبتوها الشخص ظالم
حتى من العگل ما يملك وشاله
يحاچیها بدفرته وگال فصلیه
وبالکفخه تخدمه وتخدم عياله
عساها ابخت من فصلوا
واطوا مهرة الفارس الوادم ماهي خياله
حوبتها وراهم دوم تحرگهم بکل شهگه
جابوها دفع للدار
لاديرم ولا حنه ولا صفگه؟.
تحية للشاعر جودت التميمي الذي ايقض المجتمع العراقي ونبه الكف عن ضلم المرأة ( الفصلية )