البارحة كنت بمركز التموين دنجدد البطاقة التموينية فجلست بنص التراب والعجاج مع أطفالي ناهيك عن الدائرة عبارة عن كرفانات يعني فلوس الدولة قليلة حتى تطور من نفسها بيوت المسؤولين تجنن أحدث طراز ومدارس اطفالنة ودوائرنه الخدمية حشاكم تلعب النفس المهم كان مجموعة من وكلاء مراكز التموين بعدة احياء مجتمعين وديتناقشون بصوت عالي ركزت على ثنين الشاب يكول : سيد ميصير تأخذ ٧٥٠ دينار على الكيلو لان حرام المقرر تأخذ ٥٠٠ دينار بس ،رد عليه الشايب : وأنتو شكو اني بكيفي هو منو يدري عود من يطلع الشعب مظاهرات بعد ما أخذ هم ساكتين وينطوني . كله : مو هذا حرام واستفتيت بي شرعا سحت ،رد عليه : اي اني أتحمل حرام عادي ميهم...الخلاصة يا قوم اذا ابسط حقوقنه ساكتين عنها ومنعرفها والمواطن يريد كولشي جاهز وهو ميحرك ساكن عادي تؤول الأوضاع لهيج فساد من اصغر موظف خدمة لرئيس الدولة فهنا تأملت الموقف هذا لا خاف ولا استحه هيج يتناقش عينه عينك امام الناس وبدائرة حكومية لا هاي هيه قيم الركاع من ديرة عفش ... عذرا للسرد والاطاله والله يغفر ويهدي الجميع لعراق أفضل وشكرا