بالرغم من انه تجاوز الستين بقليل الا ان حجي جبار يبقى محب للحياة وروحه خضره لاكن الظروف كانت ضده كما ان زوجته نعييمه بالتصغير اصبحت لا تلبي حقوقه ورغباته الزوجيه !! ولذلك تدهورت حالته النفسية والصحيه كثيرا حجي جبار عنده ٨ اولاد وكلهم امورهم زينه ويشتغلون بالتجارة والمقاولات اولاده من شافوا ابوهم بدأ يذبل ولحيته طالت ونفسيته تعبت راحوا لامهم كالوله يمه نروحلج فدوه ديري بالج على ابونه وداريه
ام ستار عدلت عصابتهه وجرت نفس بجكارته وكالت الهم.. يمه بعد امكم احنا مغربين والدنيا ما تسوه نداري ارواحنه خلونا كاعدين و صابطين منا لمن انموت
الولد الزغير كال لاخوا ستار ليش ما ناخذ ابونا ل(جورجيا) هم نقاهه وهم علاج واحنا كل شهر رايحين علمود شغلنا هناك...لان ابونا اذا عفناه وره امنه تموته ..وبالفعل اخذوا ابوهم وسافروا لجورجيا وصلوا للمطار وجان بستقبالهم صديقهم جوليان التاجر الجورجي ..وفهموه بشغلت ابوهم وهو اخذهم لمستشفى تخصصي فحصوا الحجي ونطوا علاج وكال لولده جيبوا ممرضه لبوكم كون تعرف تضرب ابر وتسوي علاج طبيعي وتداريه وترتبه .. صديقهم الجورجي كاللهم اني اعرف وحده شابه اسمها (ماريا) بيها هاي المواصفات وفوكاها هي ملكة جمال تبليسي العاصمه بس شويه تاخذ اجور مرتفعه المهم راحوا عليها طلبت ٢٠٠٠ دولار مقابل تبقى ويه ابوهم لمدة ١٥ يوم الجماعه اجرو شقه لابوهم وعافوه ويه ماريا وبعد خمس ايام راحوا لبوهم يشوفونه شكو ما كو دكوا باب الشقة طلعلهم ابوهم بس ما عرفوه لان ماريا كالبته علبطانه حالقه لحيته ومزينه شعره وصابغته ومسويتله مساج وماسكات بشرى وملبسته برمودا وتي شيرت احمر.... ابوهم حجه وياهم من عتبة الباب وما خلاهم ايطبون جوه
كاللهم شرايدين ؟
كالوله : بويه اليوم موعد الطبيب
كاللهم:اني طبت وكلشي ما بيه وما اريد الطبيب
بعد كول لحوا عليه ف راح وياهم ..ماريا لبسته قاط شيك وعطرته وطلع هيبه... الدكتور شاف حجي جبار وكله ما شاء الله حالتك الصحيه افضل بكثير وجسمك بدأ يستجيب للعلاج .. هسه كملت فترة العلاج ومارس رياضة المشي...طبعا ماريا تسمع وسجل التعليمات ورجعت هي وحجي جبار للشقه......
وره ما كمل العلاج ولده اجوه
طلعلهم يتلمض ويتمغط وكله حيوية ونشاط
كالوله حجي انطينه جوازك نريد نروح
كاللهم ابد اوروح ابوي ما روح حجزونا بعد اسبوع وبعد اسبوع اجو كالوله يله حجي انطينه جوازك .. بس شنو الحجي تفح وجهه وصار ينكط دم كاللهم روحوا اني ما ارجع
كالوله حجي سمي بالرحمان خل نروح صرت زين
كاللهم راح ترجعوني ل نعييمه وتموتني .. .. اني ماريا ما اعوفها والعباس
ابنه الزغير كله خل اتولي،بويه كلهن عوبات وبنات شوارع !!
الحجي كاله : العوبه امك !!وبت الشوارع امك!ولك لو ضال عليها اني ميت !!
رباط السالفة
الطب والشفاء ليس بكثرة مراجعة الطبيب وتناول الادوية
احيانا يكون الحل بتوفير الاجواء النفسية المريحة وتخفيف الضغوط والمشاكل التي نشتريها نحن العراقيين بانفسنا
الباقي واضح وعليكم