اضحك بالچذب كدام هاي الناس
خاف الناس تدري بروحي مجروحه
انه مفارگ محب وشكد صعب لفراك
والمفارگ محب حتى الضحك نوحه
ونه عكس البشر ما اسهر الليل
انام وانتظر وحلامي مفتوحه
واشوفك چاي وقفل حتى باب العين
وياعين التفكك من بعد روحَه
اشم بيك النفس يل من زمان انسيت
شنو معنى النفس لو ماجنت روحه
يموت من البواچي الگلب لو يشتاگ
طفل وتموت امه تسكته مرجوحه !
اصبر الروح بغيابك وكول اتهون
بس تغدرني صفنه بدمعه مفضوحه