ﻣﮩﺸﮩﻮ ﻋﮩﻨﮩﻲ ﺁﻵﺣﮩﺒﮩﻬﮩﻢ
اشعار عراقيه
بواسطة ﻣﮩﺸﮩﻮ ﻋﮩﻨﮩﻲ ﺁﻵﺣﮩﺒﮩﻬﮩﻢ, 9th November 2017 عند 09:56 PM (583 المشاهدات)
عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه
_____________________________
هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه
_____________________________
سهول الناس عندي وانته راسي
سفن غركن ابحري وانته راسي
صديقي انته واخوي وتاج راسي
واعز منك ترة ماكو عليه
_____________________________
اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه
_____________________________
واذا شفتك عجب شو انسى حجي الليل
مو آنه السبب عينك تنسيني
_____________________________
إذا كتلك أعوفك كلي غلطان
وإذا كتلك أكرهك كارثة اتصير
لأنك تختلف مو كان ما كان
ومن بين الأعزهم فرقك جبير
بحر عينك بلع مليون سفان
وعلى ارموشك هوت كل العصافير
ومن جودك نضج 60 بستان
وجمالك ينكتب بس بالأساطير
اكتبت كلمة ( أحبك ) على الحياطين
بدم كلبي كتبتة مو بالطباشير
_____________________________
إذهب إلى الملف الشخصي
إجعلها كمقروءة
