نصرالدين البلداوي
صور طبخي بيتزا من عمل أيدي
بواسطة نصرالدين البلداوي, 8th November 2017 عند 12:31 AM (1160 المشاهدات)
السلام عليكم
شلونكم
حبيت اشاركم صور لطبختي هاي السريعة
طبعا جنه كاعدين وأهلي حايرين بالعشة كتلهم وخروا وتشلهت أيدي وبديت العمل
المكونات
صينية مدورة ههع
عجينة عادية
3 بيضات
حبتين بتيتة
3 حبات طماطم
حبتين فلفل اخضر
صلصة بيتزا
فلفل اسود
مسحوق ثوم
ملح
حبتين بصل
فلفل حار
المهم
نفرش الصينية بالعجينة
ونبرش البتيتة عليها ونسوي الطماطم أصابع صغيرة ونحطها ونقطع البصل والفلفل الأخضر وفلفل حار اخضر ونحطهم كلهم على العجينة مثل الصورة
وراها نحط الفلفل الاسود بس لهواي لأن اشتوينه من اكلنه ههع
وهسة الي نسويه نحط الصلصة ونرش فلفل اسود عليها وأيضا ثوم
هسة نكمل النهاية ونجيب البيض ونطركه ونحطله فلفل اسود وشوية ثوم للنكهة
ونرشه على الصينية
وهسة خلصنه كلشي
نفتح الفرن طبعا محطيتها بفرن مااعرف شبيه
حطيتها بالتنور
وهسة نسد الفرن وننتظر شوية بس راقبوها علمود البيض اخاف يحترك
وهسة النتيجة النهائية
وهاي بعد التحميص النهائي
تعبت من الكتابة
أريد تقييم حك التعب
تحياتي لكم
البلداوي
إذهب إلى الملف الشخصي
إجعلها كمقروءة
