حل يوم الوداع بدمعه وبحسره
يحسين وگلبه الليله شيصبره
وصيه عندي الك من فاطمه الزهره
احچي وياك خويه والگلب جمره


تعال اتگرب واكشفلي عن صدرك
اريد انه اقبل صدرك ونحرك
تريد الناس كلها باچر اتغدرك
جبل شامخ احس وما ضعف صبرك


كشف لحسين عن صدره واجت يمه
تصب ادموع يابو دموع وتشمه
تصيح بصوت هذا حسين يايمه
باچر عاري ينزف عالترب دمه


توجهت للبقيع ونادت بدمعه
وصيتج نفذتها يمه يالبضعه
تعرف صوت امها لمن اتسمعه
گعدت بالبقيع اعله الولد تنعه


الليله آخر وداع وياك يالغالي
باچر نبقه احنه ابلا حمه اوالي
بس انه وعليلي ولوعة اطفالي
نصبر والعوض ندري العوض تالي