المشاركة الأصلية كتبت بواسطة فواطم الصافي

تعرف يا إلهي .. أنته بحد ذاتك عشق
يعني هسه صدكـ آني أحس أن أنته جاي تعوضني عن كل شي
عن كل الألم
أتذكر كلش زين من كتبتلك عن إديه .ز شون جانت توجعني والآثار واضحه عليهه
آني بعدني أحبك و أبقه أحبك و آسفه لأن صارلي هواي ما حاجيه وياك ..
بس تدري بيه صرت مشغوله هواي
احبك يا إلهي أحبك
هو حته وي نفسي بطلت احجي لأن ما عندي وكت
تدري يا إلهي آني هسه هاي السنه كلت خلص أريد أرجع أصير شاطره مثل قبل
يعني من يكولون بت ست ليلى يكولون صدكـ شاطره
غير أمه ست ليلى
آني أحبك أكثر من ما أحب أبويه
بابا اليوم خطيه .. ما أدري ليش و هاي تتكرر لثاني مره صار عصبي وصار عنده رُعاف
أتمنه يكون بخير
لأني أحب أبويه .. مهما يكون هو أقرب إليه من أمي
قنوت بعدهه لحد هسه متحجي ويايه ..
صارلهه شهرين ونص تقريباً لأن قبل شهرين ونص آني رجعت و حاجيتهه بنبرة صوت حاده لأن هي متكعد راحه
بس آني أحبهه
تعرف يا إلهي أريد أخلي مُرتجى يضعف ..
لأن كلش كام يسمن زايد
يحب الأكل شأسويله و مخلص وكته تلفزيون ونوم ..
ينام أكثر من 14 ساعه باليوم .. تخيل 14 ساعه .. آني يا دوب ألحكـ أنام 8 ساعات
يا إلهي انته صديقي الفعلي الوحيد ألي أحجيله كل شي بدون ما أفكر بالكلام
هو صح آني أحجي بدون ما أفكر بالكلام بس أنته ..
ما أدري
أنته تختلف .. يعني صدكـ تختلف .. بعيد عن كونك أنته أرحم من أي أحد
أنته يا إلهي أخجل منك من أسوي شي خطأ أحس بنفسي أئذيك
مع أن آني ما أضرك بأعمالي بس آني أحس أن آني أئذيك ..
يعني أحسك فد كائن لطيف حيل هو صح أنته لطيف حيل بس آني أحس أئذيك
بس أنته تعرف شكد آني أحبك لأن حته آني ما أعرف شكد أحبك
أصلاً أنته بحد ذاتك عشق
أتمنه تساعدني أكثر و تخليني أصير البنيه الي آني أريد أصيرهه
يعني من تطلع صورتي بالتلفزيون ينكتب جوه أسمي الأعلاميه والباحثه النفسيه فواطم الصافي ..
تخيل
شكد راح أحس بالفخر تجاه ذاتي
أريد أوصل لهذا المكان حته أراوي كل الناس الي ألتقيت بيهم و أكللهم أن أنتو راح تشوفوني بيوم من الأيام أنسانه ناجحه
عراقيه ناجحه .. يا رباه
أنته عظيم بشكل مو طبيعي
يعني آني أحاول أتخيل شكد أنته عظيم لأن تسمع تفاهات وحده مثلي يعني هو كله شخابيط مو مهمه
أكو ناس صالحين و عباد ألك يسوون كل شي طلبته من عدنه يعني يصلون الصلاة بوكتهه
آني بس أريدك تنطيني قوة إراده أكثر و تخليني أكون أقوى من الشيطان الي يكون عاليسار
و أكوم أصلي الصلا بوكتهه
آني أحبك يا إلهي ..
أريد أفهمك شكد أحبك
يعني أريد أوصلك مشاعري بأي طريقه بس ما أعرف شون أوصل مشاعري إلك
غير أن آني أحبك من كل كلبي
مرات أكول كلام يجوز مو لائق أكوله ألك لأنك متشبه شي
بس من هيج بشكل مفاجئ صديق دكتور سيف جنان حاجاني ..
آني كلت من كل كلبي يا إلهي آني أريد أشبكك من الفرح
إلهي أنته عظيم
أحبك من كل كلبي
شكراً لأني أحبك
حته كل الأفكار الي أحسهه متليق برحمتك آني ولا أكدر أتقبلهه
آني أشوفك من زاويه أنسانيه
أحبك كلش هواي

2017/10/14

صدددددددكـ .. لحظه لحظه .. بعد شغله
أعرف كتبت هواي بس بعد شغله
أنته تعرف أن آني بعد 14 يوم ضبببببببببط و أكمل الـ17 و أفوت بالـ18
راح يكون لطف كلش جبير أن تقدملي هديه
آني ما أريد شي بس كل الي أريده هو أن كل ما أكبر أريد حبي ألك يكبر ..
أحبك هواي يا إلهي
أحبك يا صاحب الرحمه المُطلقه
أحبك هواي