المشاركة الأصلية كتبت بواسطة فواطم الصافي

ما زلت على قيد الأبتسامه .. لكن صدقني في الليله الماضيه كنت أبكي بشده ..
في منزل خالتي عند الساعه الحاديه عشره
كل الفتيات كُنّ جالسات ..
بأختصار كل وحده لازمه بأديهه موبايلهه وتراوي الثانيه مجموعة صور و هواي أشياء .. و اللطيف بالموضوع أن تبارك بت عم نور هي صديقة مريم و رقيه
تعرف يا إلهي .. آني أكتشفت أن مريم تحجي وي ولد .. آني حاجيتهه كتلهه أنتي شون هيج تسوين
أذا عرفت أمج .. المهم
آني ما أريد موبايل بس آني أريد أكون قريبه من البنات .. أنت تعرف أن أكو هواي أشياء مجهوله عندي و أعرفهه بس بالأسم .. صديقتي الوحيده ملاك الي وديتهه إليه من جنت بالروضه آخر مره حاجيتهه بيهه 2016/9/17
يعني من زمااااان حيل من زمان

إلهي .. من جانن كل البنات كاعدات .. آني أصلاً جنت كاتمه كاتمه كاتمه و مبتسمه .. بعدين بلحظه أصلاً جنت بالطابق الثاني بغرفة نبأ فـ طلعت من الغرفه للسطح .. أنته شفت يا إلهي شكد حجيت وياك .. صدكـ أرتاحيت .. حجيت وياك بصوت عالي محد سمعني .. شفتني شكد بجيت ..
آني صارلي أربع أشهر ما باجيه لأنك تعرف أني تجاوزت مرحلة البجي .. وصلت لمرحله النوم .. وهذا من الناحيه النفسيه شي طبيعي بس بي خطوره لأن كرد فعل طبيعي آني بديت ما أبجي لا كمت أنام حته أتناسا أو .. ما أدري
بس آني البارحه من جنت أحجي وياك فقدت الأحساس تماماً .. حسيت نفسي بديت أنحرف فكرياً لأن كتلك يا إلهي هسه آني مُجرد مخلوق تافهه بنص كل هذا مُلكك العظيم .. يعني ما راح تخسر شي أذا آني أنتحرت .. ليش متسويلي أستثناء بالأنتحار ..
بعدين من صحيت على نفسي .. آني كلش آسفه لأن آني مُهمه عندك ولو جنت مو مهمه جان خليتني أنتحر و أروح للجحيم

البارحه مريت بلحظات خطره نفسياً .. خليك ويايه يا الله .. لأن تدري بيهه آني أحبك و أصلاً حته ماكو أحد أحجيله غيرك ..
أنته تعرف شكد آني واثقه أنك راح تنطيني فد حياة سعيده بالمستقبل ..
لهذا السبب و لهواي أسباب آني كلش أحبك يا صاحب الرحمه المُطلقه و اللطف اللا مُتناهي
أُحبُكَ كثيراً