المشاركة الأصلية كتبت بواسطة فواطم الصافي

سلام .. حبيبتي فواطم آني جاي أكتبلج هنا و أتمنه تقريهه من تكبرين آني هسه عمري 16 سنه وراح يصير عمري 17 .. من فتت لمنتدى درر العراق حسيت صدكـ آني أنسان و إليه قيمه و الشي الي أقدمه مُميز ..
هنا لكيت حسن سعيد الي هو أخويه الجبير أي مشكله أروحله يحلياهه و يكلي سوي هيج وهيج

وهنا لكيت هاني المياحي الي هو أبويه الأفتراضي الي صدكـ ما أستغني عنه انسان عبقري بكل شي وهو ثاني أعظم أنسان طبيعي بحياتي .. عظيم بكل معنى الكلمه .. الله يحفظه .. هواي أذا أريد أحجي عن كل واحد لصبح ما أخلص
و هنا أحلى سورين بالدنيه و رحيل و أمجد الأسدي و ليفاي الأنطوائي و تين و حبيبة أبوها و وحده من طالبات أمي .. ما أريد أكتب هواي لأن مستعجله

بسرعه أريد أكلج هسه أنطفت الكهرباء ما أدري شوكت تجي راح أسيف الكلام منا لحد متجي وراح أكتب هواي
شوفي أتمنه رب العالمين يحميج و ميخلي أحد يأذيج أبد أبد .. و أريد تبقين بصحه وعافيه و متتعوقين مثل ما تنبأ
تعرفين هو بابا صار كلش قاسي ويايه .. آني وحدي .. زين آني أصفن أمي و أبويه ناس كلش مُثقفين ليش هيج يسوون ؟
التفرقه بالمعامله كلش واضحه بالخصوص آني وقنوت .. أصلاً قنوت ميحاجوهه
البارحه آني لازمه موبايل بابا أصلاً جان مقفول و جنت فاتحه كامره سلفي و أصور عادي آني دوم هيج أسوي و أشوف الفديو بعدين أمسحه أمي تكلي أنتي ما أدري رب العالمين شون راح يعاقبج على كد ما متعبتني .. يوم دخيل الله آني شمسويه

شوفي حبيبتي فواطم آني وياج الي أنتي ذاتي راح نبقه قويات مثل ما هسه بس أنتي لتعوفيني .. أعشقج حبيبتي فواطم
أتمنه أوصلج لحلمج الي هو أن تصيرين مُقدمة نشره أخباريه .. و أن شاء الله من تقريين هذا الكلام تكونين بألف خيرو ألف صحه و ألف سلام
أريدج تبقين علاقتج مع الله .. الله صاحب الرحمه المُطلقه و اللطف اللا متناهي .. هاي جُملتج لتنسيهه
بعد .. أريد أكلج عندي صديقتي ملاك ميحتاج أسولفلج عنهه لأن مستحيل تنسيهه أي بس أريد أكول أن هيه أقرب أنسان إليه فـ ما أريد أخسرهه صح آخر مره حاجيتهه بشهر التاسع من سنة 2016 بس مو مهم ..

فطومه حبيبتي أنتي ألطف بنيه ممكن ألتقي بيهه بحياتي كلهم يكولون ضلي هيج ..آني أعشقج أصلاً .. هيج أموت عليج يا أروع ذات بالدنيه

أهتمي لنفسج .. و أحبج هواي .. بعد شأكلج

ها .. البنطرون السمائي الكابوي الي كصيتي معليج بيهم أصلاً يخبل ..
بعد .. أكلي زين لأن أنتي تشتغلين هواي
بعد .. شوفي بهاي السنه صرو عندي صديقات جديدات عدا ملاك الي هنّه .. ( تقى و علا و غفران و رسل و زينب و بنين )
أعشق تقى و أعشق علا

بعد .. حبيبتي شعرج حلو و طويل أهتمي بي لتهملي .. شكد ميحجون عليج من تمشطين شعرج معليج بيهم
وخليج ريلاكسونكَيه على طول
بعد .. لتحجين وياهم أبد خليج ساكته طول الوكت
وهسه أنتي مو طلعتي أكمال حبابه أقري لخاطري
وبعد شغله آني أثق أن آني راح أكون أم مثاليه وهاي الكلمات أريد أطفالي المستقبليين يقروهه
آني أحبكم أموت عليكم وراح أهتم بيكم و هيج أشبعكم حنان و أهتمام بأختصار أي شي فقدته آني أعوضه ألكم مثل متكول تُقى مُحيي
و أتمنه أصير أنسانه ناجحه كلش كلش كلش .. و أموت عليج فواطم
و أتمنه الله أن أبقه بشغلي يا ربي أروحلك فدوه آني ما أريد أبطل من الأذاعه
الله يحفظج و يوفقج يا ذاتي .. أحبج كومه أموت عليج
أهم شي أريدج دوم بخير وصحه وسلامه .. يا الله دخيل أسمك

يله في امان الله
أحبج أموت عليج
في أمان الله الله
أعشقج
الله وياج