نساوة علگ حگه الديره تحلف بيه
حگه الديره تتباهه
ماتطلع كبال الشمس حيل تخاف تاخذ ظله وياها
ما شافتها وحده غير المرايه
ماشايفه واحد خاطيتها العين
وبس فراشها ضايكها من تنام
وبس الكاع ضاكت طعم رجليها
شعرها السرح ما مجيوس
بس عن حلفة الله المشط وايديها
كل الحك الچ يم شرف طوله شراع
شكد طين على دربچ لچن ما ملثوك
باريتي الشرف عاجر واجه وليد
ولبستي جديد وما لبس مشكوك
بيج من الخجل يجسي سلف بالعيب
عندج خيط جان بكل ردن مفتوك
عشكتج واني عمري استوه طاح الطيش
ابن فلاح واتغاوه من اشوف عثوك
طك ستر الشمس
تنترس كاعك كيض
وطك ستر النخل
تنهر عليك عروك
من باب الستر ينوصف سترج باب
من باب المحنه نحسبج على نوك
حط بخت الستر على البايك وتاني
وعاتبني اذا ما يطلع المبيوك
فطيره ولو حلمتي بشمس تحترين
اليشوفج مسعده وانتِ غداج ريوك
غيمه تمرج وينترس بالج ماي
تشوفين الجمر شوفج يضل محروك
ماشيف هوه وعايش شعرها بخير
مدري شعيشه الكظه العمر مخنوك
يا نساوة علك ناسج تريد مراد
يا صم مستحه وادمنه بس حلوك
خلي مختنك سترج مقيم ناس
الستر لو شم هوه شينباع واحنا بسوك
تتحجب اذا شافت زلم بطيف
لذيذه العفه عده بلذة المعشوك
هنياله الخذاج اشاف بيج اسرار
ابو المفتاح يعرف كل حجي الصندوك
______________________________
الشاعر علي المنصوري
وسلامتكم..