كشكول هاني
الاهتمام . . . بين المحبين ...للجادين والجادات فقط حق الدخول
بواسطة Hani Yaqoub, 27th November 2016 عند 09:34 AM (865 المشاهدات)
السلام عليكم
العنوان ما اكو اي ربط بينه وبين الموضوع ، مجرد عنوان مثل اعلان ديتول تقضي على ٩٩.٩ من الجراثيم ( كذلك يقضي عل نسبة كبيره من البكتريا المفيده والجزء الباقي حقيقه هو سبب المشاكل فلا تشتري ديتول وتنخدع)
المهم
الاهتمام
هواي اوقات تمر عل انسان يكون بيه ضايج حزين طاكه روحه يفكر بالانتحار او حتى يفكر ياكل إندومي
كل الي يحتاجه برأي هو ان يكلمه شخص يحسسه بالاهتمام حتى وان كان الاهتمام مجامله لكنه نافع ، سيغير حالة الشخص او مزاجه من سيّء الى انت شعليك او اي مزاج ( قابل حافظ مزاجات المنتدى كله )
الي يزيد الطين بله هو الاسطه اقصد الي يزيد الحاله الكئيبة الي يمر بيه الانسان هو من يعبر عن حزنه وما يجد ردة فعل بالقليل كلمة هاخير او كلمتين ها خير
فيا اصدقائي ياريت من تشوفون شخص يعبر عن حزنه بالمنتدى ان تتفاعلون ويا
بس هذا مو يعني إعطاء الضوء الأخضر للزحف وتورطوني
بالعباس ما علي وقصدي شريف (مكه).
حتى المواضيع
من ينشر شخص موضوع يعبر عن رايه ويغلس عنه الأعضاء الي الهم وزنهم ياثر .
اما الجادين والجادات الي يدخلو علمود الحبيات
انسى فكرة وحده بوحده بالعلاقه وهي تنجح .
البنات قبل الزواج تحب الرومانسية المفرط ( ماعرف مكان هل كلمه صحيح لا ) بالتعبير عنها
مثل
شلونج
شخبارج
كافي هيج اعتقد .
اما بعد الزواج تحب الرومانسية الفعليه
مثل امشي نروح نسوق.
إذهب إلى الملف الشخصي
إجعلها كمقروءة
