اليوم رحت اجيب الوثيقه من المدرسه لكلية الهندسه
وبعد السلام والتحيه (تدرون السلام واجب 70 حسنه مو شوي افرط بيه خاصه وانا بالطريق شفت بنيه حلوه حركت الي 843489 حسنه )
قلت الهم جاي علمود الوثيقه للكليه فاخذو الطلب
قالت الست جايب صور( كل ظني حلو وتريد صوري )
قلت اله لا مجايب
قالت روح جيب على ما اكمل
قلت اله شنو شروط الصوره
قالت خلفيه بيضه وان تكون اماميه ( يا الله تريد تشوفني بصوره واضحه, شكرا يبه شكرا يمه على هل الجينات )
طلعت من المدرسه اجيب الصور وانا بالطريق افكر
انا ما مشط عدل وقبل شوي جاي من الشغل ملعوب بيه لعب
بس يلا التعب ينطي كاريزما وكذا
دخلت على المصور وبعد السلام (تدرون السلام واجب 70 حسنه مو شوي افرط بيه خاصه وانا بالطريق شفت بنيه حلوه حركت الي 843489 حسنه)
اخذت الصوره قال 10 دقايق وتعال
انا 9 دقايق ورحت اله نطاني الصور طلعت الصوره وهنا كانت
الصدمه
التفتت يمين يسار بقيت شوي يمه ماكو
كال خير
كتله الاء حسين وينه
شسوي بيه
كتله يمعود هاي مو انا انت تدري الرجال ينظر لنفسه باليوم 23 مره باليوم حوالي تقريبا 10 دقايق باليوم اي 6 ايام بالسنه
المشكله ما اكدر اسئل البنت هاي انا لو لا لان البنت تشوف الولد اجمل ب5 مرات وما اكدر اخرب على روحي واراويه الحقيقي
كلي يمعود هاي انت روح شوف بالمرايه
رحت باوعت للمرايه وباوعت للصوره ها اي هو هاي انا بس ليش ماعندك تاثيرات سناب جات انستغرام
يا اخي حتى ذاناتي طافرات خشمي شكبره
الله اكبر عليك
المهم هسه عندي امل ان الكليه ترجع الصوره تكول هاي مو انت
يارب يرجعوني يارب