كشكول هاني
بلوه
بواسطة Hani Yaqoub, 21st November 2016 عند 06:14 PM (835 المشاهدات)
بيتنا الي ساكنين بيه صار تقريبا 16 سنه من كنت اول متوسط
بوقته كل ما اروح للدوام كان اكو شخص مثل المخبل ملابسه امبهذله دوم يضرب صفنه وين ما يلكه حنفيه ماي بالشارع يسبح بيه
جان حيل يقهرني
خلصت المتوسطه والاعداديه وانا اشوفه عل هل الحاله
اخر 8 سنين ما ظليت اشوفه كل كم شهر او بالسنه مره بس بقى لغز بالنسبه الي
قبل شوي رحت للاسواق وكان اسمع شخص يقول السلام عليكم
طبعا الاشخاص الي مثله دائما يكونون لا يرون ما ننتبه الهم انفزبل
انا استغليته فرصه
ورحت سلمت عليه باليد وقفت يمه كتله ما محتاج شي ومن هل السوالف تصورت سلم علي لان محتاج فلوس
طلع ما محتاج اي شي بس حب يسلم سولفت ويا
هو يحجي ويتشكر وكل شوي يكلي ما محتاج شي ويدنك مثل اليابانين من يتشكر
المهم تركته دخلت للاسواق سئلته عنه كتله شنو قصته
كلي هذا قصته قصه
هذا خريج صيدله وجان يشتغل بمسشفى ماعرف شن وحب وحده وما نطوها اله
تخربطت حالته وظل يشرب ادويه
بعده زوجوه مره حتى ينسى وهم ماكو فايده عاف المره وبقى عل هل الحاله
كتله خاف محتاج فلوس شي
كلي لا هذا ناس حالتهم كلش زينه تجار بس هو هيج
وعلى طاري هل الشخص
يوميه يجلينه شخص للبيت ويه الغده شوي مو بعقله حجيه ماعرف شنو
يطلب 500 وتفاحه او 500 ورمانه او 500 وبرتقاله لازم يطلب حاجه ويه الفلوس
بس الغريب بهل الشخص
مره لكيته لازم فيزيا مال ماعرف يا صف يم بابيتنا كتله شسوي بيه قال اقرا
انا من كل عقلي كتله دعرف كذا وكذا
اشو هل الشخص مكال لا كعد يعرفهن احسن مما انا حافظ
وهذا الشخص بعده لغز بالنسبه الي
إذهب إلى الملف الشخصي
إجعلها كمقروءة
