اسود لابس وتبچی عله الحسین! ؟
وحسبالك بچیت وماحي اذنوبك
ميقشه الدمع لو تبجي اسنین ،
لان يعرف ابنيتك عدل اسلوبك،
تكشخ بلمواكب عرس جاي حساب
وتعاين عله الي الرايح اوجاي
تجي ابموكب عزا واتغازل اتريد ؟!
ياعباس يقبل يا علي ابهاي ،
وتصور نفسك وتنشرها عل فيس
شتراوي جنابك يعني حزنان ؟
اذا نيتك عزا وتواسي الاحسين
عليمن للصور تضحك وفرحان ؟
اذا عندك نذر ما حاجه تصویر
منك لله خلهه اشبيك مشهور
اذا جان الاحسين ابهل زمن هاذ
يشوف اشلون تعمل ماظن ايثور
واذا نيتك تسير ابنهج الاحسين
عليمن يم فقاره اتشيد اقصوور ؟
كل واحد ابقايه او وحده الحسين
ومر چم عام منه وفات عاشوور
لاناصار شفتله اكثر وله امعين
نفس سبعينهم بس عافو الدور
تطبخ زاد تذبح عشره خرفان
وعشرتيام زادك جدره ايفور
وتعزم وين ما شابع اكل ليش
وتطرد بل يتيم واگلبه مقهور
اذا من صدك نيتك تخدم احسين
موبس عشره مر بثنعش الاشهور
ساعدلك يتيم امسحله عل راس
وفرحلك گلب بس شایف الجوور
خاطر تنقبل كل خدمت احسين
ويجيلك حيدرا وايگول ماجور
..